ايه الأفضل : كيا سبورتاج - نيسان قشقاي - سوبارو xv
انا بصراحة تعبت من المطبات و الأرضيات في مصر و قررت ابيع عربيتي واشتري عربية عاليه و المقارنة بين كيا سبورتاج - نيسان قشقاي - سوبارو xv طبعاً كلهم فئة 1600 cc لكن على كل حال هما افضل من السيارات الليموزين اللي بتتبهدل في شوارع مصر محتاج رأيكم معايا لأني محتار وموضوع اني انزل من سكودا فانتازيا 2011 بكل رفهايتها هيكون صعب عايز مقارنة من اهل الخبرة وكما ناسعار الجديد والمستعمل |
رد: ايه الأفضل : كيا سبورتاج - نيسان قشقاي - سوبارو xv
الافضل كسيارة (تصنيع و قيادة و مواصفات) : السوبارو ثم القشقاى
الافضل فى اسعار قطع الغيار : السبورتاج ثم القشقاى الافضل فى اعادة البيع : السبورتاج و القشقاى لو حتقتنى يبقى السوبارو و لو ناوى تبيع كمان فترة يبقى القشقاى |
رد: ايه الأفضل : كيا سبورتاج - نيسان قشقاي - سوبارو xv
تريجر جاب من الآخر..
- وبصراحة أنت إستعمالك كويس فأنصحك بالسوبارو .. مش حتتعبك خالص. - لكن القشقاي حتحرق الدم قوي وتعلي الضغط في قطع الغيار. - أما السبورتاج فلا تقارن بالياباني طبعا لكن قطع غيارها الميزة |
رد: ايه الأفضل : كيا سبورتاج - نيسان قشقاي - سوبارو xv
سوبارو طبعآ يازعيم -
|
رد: ايه الأفضل : كيا سبورتاج - نيسان قشقاي - سوبارو xv
اشكركم على رأيكم الذي اعتز به حد يعرف الأسعار كام حالياً للسوبارو والسبورتاج |
رد: ايه الأفضل : كيا سبورتاج - نيسان قشقاي - سوبارو xv
بصراحه انا مش معاك خالص فى موضوع التغيير
اولا انا معاك ان الطرق مش احسن حاجه فى الدنيا بس العربيات دى كلها ذى اللى رقصت على السلم يعنى بيبعوها للناس اللى نفسها تركب عربيات دفع رباعى بمواتير صغيرة مش هحس انك راكب عربيه شديده ولو فعلا هتغير من الفانتازيا لاى واحد فيهم يبقى حرام عليك مفيش وجه للمقارنه لانها تتفوق عليهم بمراحل لان ولا واحده فيهم عليها الطلب والسوبارو رغم انها يابانى بس غير ناجحه فى مصر لاسباب كتير دى وجهه نظرى ولك مطلق الحريه |
رد: ايه الأفضل : كيا سبورتاج - نيسان قشقاي - سوبارو xv
ازيك يا بشمهندس ستوري كل سنة وانت طيب يا جاري العزيز بصراحة انا في منتهى الحيره والفنتازيا مش هتتكرر خاصة ان معايا الـ هاي لاين بس كل ما أروح منطقة فيها مطبات واصبحت ما اكثرها بتبهدل بيها وقطع غيارها ناااااااااااار يعني كل مره في حدود من 2000 الى 3000 جنية انا معاك ان الألماني مش هيتكرر وان مفيش وجه مقارنة بينها وبين شبيهات الجيب لكن انا بصراحه خلاص تعبت قولي اعمل ايه |
رد: ايه الأفضل : كيا سبورتاج - نيسان قشقاي - سوبارو xv
اقتباس:
هقولك جرب اركب اى واحده فيهم وشوف هتعجبك ركوبتها ولا ايه لان كل دول مش بتوع جرى يعنى فى السرعات العاليه الفانتازيا تكسب والعربيات دى مش بتاعت سفر ممكن ناس كتير هتختلف معايا بس فعلا دول كلهم شكل على الفاضى اخيرا لو حضرتك خلاص ناوى لان موضوع العربيات ده بيبقى غزاله وهتقعد تقنع نفسك لحد ماتغير فهو الموضوع هو الرغبه البشريه فى التغيير ههههههههه اصبر شويه واسأل اللى معاهم العربيات دى تحياتى يا استاذ محمد وعايزين نشوفك قريب |
رد: ايه الأفضل : كيا سبورتاج - نيسان قشقاي - سوبارو xv
انا مش مستعجل بس بحب استشير حبايبي اديني صابر لما اشوف الغزالة اللي شغالة في دماغي وربنا يكرمني بالإختيار الأفضل انا دائماً اترك اموري لله وان شاء الله ربنا يرشدني للطريق الصحيح و نشوفك قريب يا هندسه |
رد: ايه الأفضل : كيا سبورتاج - نيسان قشقاي - سوبارو xv
القشقاى سيارة ممتازة
|
الساعة الآن 05:55 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
استضافة وتصميم : المصرية للأنظمة الرقمية والخدمات المتكاملة