منتدى صيادين مصر

منتدى صيادين مصر (https://www.egyhunters.com/index.php)
-   الصيد العام (https://www.egyhunters.com/forumdisplay.php?f=2)
-   -   تحذير من منطقة الدائري (أعلى جزيرة المعادي) (https://www.egyhunters.com/showthread.php?t=4594)

eng.amg 01-20-2014 03:12 PM

تحذير من منطقة الدائري (أعلى جزيرة المعادي)
 
بعد أن تكرر الموقف مع 2 من زملائي بالعمل..رأيت من واجبي تحذير الأعضاء من تواجد أحد بمفرده في هذه المنطقة (كوبري الدائري المنيب - أعلى جزيرة الذهب بالمعادي - بجوار الكمين الدائم)


فقد حدث معي حادث سرقة شهر أكتوبر الماضي بينما كنت أنتظر أحد أصدقائي (المهندس عبد الرحيم) للتجمع والذهاب للصيد الساعة 6:30 صباحا.
كنت راكن السيارة وأقف علي الكوبري بجانبها وأتى موتوسيكل عليه 3 أفراد (كان ماشي عكس علي الرصيف).
وتظاهروا بأن الموتوسيكل به مشكله وتوقفوا به علي مقربة مني ونزلوا يتفحصوه وإقترب أحدهم مني يسألتي: (الساعة كام يا برنس؟)

طبعا من شكلهم وأسوبهم تيقنت إنني في موقف سرقة... ولكن لم يتسني لي وقت للتصرف فقد أخرج أحدهم بندقية (شوت جن) ووضعها في جانبي والثاني من خلفي والثالث أدار الموتوسيكل ووضع يده علي جانبه في إشارة لوجود سلاح معه.

والنتيجة كانت سرقة هاتفين والنقود والمحفظة بالكامل (جميع الرخص والبطاقة والكارنيهات) وكروت فيزا وأيضا أخذوا مفاتيح السيارة لكي لا أتمكن من اللحاق بهم.

هاهاا.. الجميل أنهم أخذوا علبة السجائر :)

الأزمة الكبيرة كانت في مفاتيح السيارة لأنها مشفرة. وطبعا عبد الرحيم صديقي أتسحل معايا طول اليوم في محاولة لفتح السيارة ولم ننجح حتى بعد أن إتصلنا بأحد المتخصصين بمفاتيح السيارات المشفرة وأتى ومعه أجهزة فك الشفرة. لكنه وضح لنا بأن (متسوبيشي لانسر) علي خلاف السيارات الكوري لا يمكن فك شفرتها إن لم يكن المفتاح موجود
وإضطررنا لقطر السيارة إلي ورشته وفك الكمبيوتر وإضطر لإعادة برمجته وتغيير الشفرة تماما وعمل مقاتيح جديدة وتغيير أسنان الكوالين بالسيارة. وفضلنا معاه لحد الساعة 8:00 مساء.

الجميل في الموضوع...إن في وسط الأحداث كلمت أحد ضباط الشرطة أعرفه وجاء ولما حكيت له. قالي إن دي مش أول مرة حد يتسرق هنا. وكمان قالي مواصفاتهم.

ولما طلب مني أعمل محضر وأتعرف علي أشكالهم قولته (إنتوا مش عارفينهم؟) قالي آه.
قولت وأنا حاجي أعمل إيه؟ هل حضوري ليخليكم تمسكوهم؟
قالي: لا.. أهو إثبات حالة.
طبعا طلبت منه يعملي محاضر سرقة لعمل بدل فاقد من المستندات المسروقة ولم أذهب.


لذى أرجوا تجنب هذه المنطقة بصفة خاصة. وعدم تواجد أح بمفرده بصة عامة. وأيضا في أسوء الأمور لا تخرج من سيارتك ولا تطفئ المحرك إذا كنت منتظر أحد.

الموقف دا حصل مع 2 من زملائي في شهر 12 الماضي وأيضا في هذا الشهر.

وربنا يسهل والشرطة تشتغل بقى بدل مهم مأجرين الكمين بتاعهم للبلطجية يسترزقوا منه.


Amr Moussa 01-21-2014 05:32 PM

رد: تحذير من منطقة الدائري (أعلى جزيرة المعادي)
 
الحمد لله انك بخير يا هندسه وفداك كل حاجه وحمد الله على سلامتك وعلبه السجاير على حسابى

eng.amg 01-22-2014 09:24 AM

رد: تحذير من منطقة الدائري (أعلى جزيرة المعادي)
 
اقتباس:

المشاركة الأصلية كتبت بواسطة amr moussa (المشاركة 29084)
الحمد لله انك بخير يا هندسه وفداك كل حاجه وحمد الله على سلامتك وعلبه السجاير على حسابى

هاهااا...
أنت زعلان علي علبة السجاير؟ لا إطمن كان معايا واحدة تانيا في العربية. :)

محمد كمال المحامي 01-22-2014 07:39 PM

رد: تحذير من منطقة الدائري (أعلى جزيرة المعادي)
 
البلد اصبحت كلها قلق ويجب على الجميع الحذر وعدم التواجد منفرداً في اماكن مقطوعة أو اثناء الليل أو في شوارع جانبية غير مأهولة لأن هذا الأمر يتكرر بشكل يومي

الحمد لله انك بخير يا بشمهندس وربنا يسترها عليك و علينا وعلى كل البلد



كابتن احمد 01-23-2014 03:00 AM

رد: تحذير من منطقة الدائري (أعلى جزيرة المعادي)
 
الحمد للة انك بخير وفداك اى حاجة تانية والمرة الجاية خد بالك ومشكور على التحذير.

EGYPTIAN 01-24-2014 12:21 AM

رد: تحذير من منطقة الدائري (أعلى جزيرة المعادي)
 
حمد الله علي سلامتك يا باشمهندس و الحمد لله انها عدت علي خير

Trigger 01-24-2014 04:26 PM

رد: تحذير من منطقة الدائري (أعلى جزيرة المعادي)
 
حمد الله على السلامة يا بشمهندس
و اعتقد ان الداخلية اليومين دول مش فاضية لمحترفى السرقة بالاكراه و ربنا يستر علينا جميعا و الكام يوم دول يعدوا على خير


الساعة الآن 03:54 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

استضافة وتصميم : المصرية للأنظمة الرقمية والخدمات المتكاملة 

a.d - i.s.s.w