اقتباس:
المشاركة الأصلية كتبت بواسطة gmslem
الإخوة الأفاضل .... سوف ابدأ بموضوع يهم شريحة كبيرة من الزملاء و هو الاجابة عن سؤال .... لو معاك تحت ال 100 الف و عاوز تركب افضل حاجة . تركب أيه ؟؟؟؟
ياريت أصحاب الخبرة يساعدوا في هذا الموضوع من حيث : المواصفات ؛ الملحقات ؛ قطع الغيار ؛ الصيانة ؛ استهلاك البنزين ؛ الارتفاع عن الارض ؛ سعر اعادة البيع ............. إلى آخره .
علما بانني اظن أن هذا المبلغ ممكن يجيب : أوبترا اتو ؛ افيو اتو ؛ لانوس ؛ فيرنا اتو ؛ جين تو اتو ؛ صني اتو ؛ بي واي دي اتو ؛ ............... طبعا كل العربيات جديدة موديل 2012 .
برجاء من الخبراء و اصحاب التجارب لا يبخلوا بخبراتهم . |
قبل اختيار السيارة ﻻزم تقسم السيارات لقسمين تجميع محلى و مستورد. المستورد عمره اﻻفتراضى اطول و تقفيل العربية احسن و ده الى بيدى عمر افتراضى اطول للعربية ﻻن لو العربية مصنوعة من خامات نص نص و متقفلة (finishing) بتاعها كويس حتعيش فترة اطول من العربية الى خاماتها كويسة و لكن تقفيلها فقير زى الفيرنا و الﻻنوس كده قطع غيارهم متوفرة و رخيصة و لكن عمر افتراضى قصير. دائما وانته بتشترى عربية تشوف هى تجميع محلى وﻻ مستوردة. بعد اذنك يا دكتور خالد تنسى الbyd خالص و انسى انها عربية اصﻻ هههههههههه. اللهم ان مسئولى الجودة فى مصنع نيسان يابانيين كانت الصنى اتفككت من بعضها و هى ماشية هههههههه.انا شخصيا ال 100 الف اركب بيهم عربية اوروبية الصناعة على قد ماقدر واحد تانى يقولك اجيب ماتريكس وﻻ اكسنت وﻻ ﻻنسر كسر زيرو. توكيل ميتسوبيشى عندنا ممكن يخش موسوعة جينيس ﻻنه لسه بينزل العربية الى كانت بتنزل من 7 سنين هى هى و موديل 2012 و كمان مستوردة مش محلى زى الصنى. اخيرا دور على العربية المستوردة و سيبك من التجميع المحلى. هيونداى هى اكتر ماركة ماسكة نفسها فى المستعمل و قطع غيارها متوفرة فى كل حتة انما بﻻش الفرنا و انا عن نفسى لو حركب حاجة ب 100 حركب مستعمل اوروبى او يابانى احسن ما اركب كورى زيرو. و لو لم تختلف اﻻذواق لبارت السلع.