عرض مشاركة واحدة
 
قديم منذ /05-17-2012, 11:41 AM   #30

دراغون بور
صياد جديد

دراغون بور غير متواجد حالياً

 رقم العضوية : 465
 تاريخ التسجيل : May 2012
 المشاركات : 10
 النقاط : دراغون بور is on a distinguished road
 تقييم المستوى : 10
 قوة التقييم : 0

Thanks: 0
Thanked 4 Times in 4 Posts
Smile رد: الطبنجه الحلوان العشق الاول والاخير للمصريين

 

اقتباس:
المشاركة الأصلية كتبت بواسطة compact مشاهدة المشاركة
الحلوان ايام الملكية كانت مصر بتنتجه باسم دنشواى

بعد كده اتفقوا مع المعلم بريتا انهم ياخدوا منه ماكينات التجميع و سموا المولود الجديد حلوان و طبعا مدينة حلوان ايامها غير مدينة حلوان بتاعة دلوقتى خالص , وهما لو كانوا يعرفوا ان حلوان ستتحول الى ما نراه اليوم كانوا سموه سيوه مثلا

الحلوان 51,54,57 خزنتهم 8 طلقات , ال 920 قبل الثورة كان خزنة 15 و بعد الثورة عملوه خزنة 20 طلقة و رجعوه تانى 15 عشان الناس كانت علمت عليه خلاص , ال980 مش فاكر كام طلقة دلوقتى بس تقريبا كان زى ال 920

مواسيرهم كلها فرز 24 من خردة و زبالة وكالة المعلم بريتا (كناية عن سوء المواسير) , اه فرز 24 عشان لو كانوا فرز تانى كان زمانه بقى حاجة تانية خالص.

موديلات حلوان:-
1- حلوان51 (ابو علبة زرقا) , بألوانه اسود كحيان و بنى جربان و فضى طهقان , طهقان لانه بيبقى مطلى مش نيكل كروم من الخامة نفسها زى بقية المسدسات المحترمة فى الدنيا كلها , و يبقى قابلنى لو جمع معاك خزنة كاملة 8 طلقات متتالى لانه قبل ما يكملهم حيكون سخن و ولع فى ايدك .
2- حلوان54 و حلوان57 , المشهور فى الجيش بأسم سلاح الخزنة الواحدة , يعنى يضرب ال 8 طلقات ده لو كملهم و يخش على الورشه فى قسم الرعاية المركزة عشان يتعالج من ضرب النار
3- حلوان920 , نسخة للبريتا 92 و بعض اجزاءه يتم استيرادها و بيتجمع فى الانجاز عشان مفيش وقت (كناية عن الفينيشنج الضايع للطبنجة) .
4- حلوان980 , هو 920 متدلع , به 3 أمان , يعنى لو مأمنه بال 3 أمان و انته ناسى و حصلك موقف فجائى لازم تستأذن البلطجى يستنى نص دقيقة مثلا عشان تفك ال 3امان و تسحب طلقة و تبتدى تنشن و تضرب و يبقى قابلنى لو البلطجى استناك خصوصا انه معهوش غير بندقية آلى لانه مش لاقى مسدس شمال يشتريه اصلا , و الغريبة ان الفينيش بتاع ال980 جيد جدا عن كل اخواته و لكنه بوزن سكان حى حلوان كلهم فهو بوزن الفيل و بحجم التنين الحزين.

عيوب الحلوان : دمه حامى و بيسخن بسرعة , اليايات (السوست) بتاعته متستحملش 50 طلقة و لازم تودع , ارتداده قوى جدا , تجميعه سىء جدا بعد ضرب أول 3,4 طلقات فى الخزنة

فى حلوان51 اسمه فى امريكا و كندا اسمه التجارى هناك حلوان بريجيدير و صناعة مصرية 100% و مفعهوش عيوب خالص غير ان خزنته 8 طلقات و ارتداده قوى و دول لا مفر منهم و الغريبة انه ليه اكسسوارات مش موجودة فى بلده مصر

ينفرد الحلوان51 الاسود و البنى بضرب عيارين 9مم طويل (9*19) و 9مم قصير (9*17) بنفس الكفاءة مع ان عياره الاصلى 9مم طويل 9*19 , الحلوان51 الفضى بيضرب 9مم طويل بس بسبب سمك ششخاناته و ارتداده انعم شوية من الاسود و البنى

و بعد اذن صاحب الموضوع الحلوان مش عشق المصريين خالص لان عشقه كان اجبارى على الشعب و لازال
والله يا باشا انتا فاجئتنى زيادة عن انك موسوعة فى الاسلحة بمختلف انواعها كاتب مخضرم كمان
يا ترى هنشوف اى جديد من حضرتك


  رد مع اقتباس