اقتباس:
المشاركة الأصلية كتبت بواسطة محب عماد
بعد اذنكم انا عارف اني انا بتقل عليكم ولكن سامحوني لاني انا لسه جديد ومعنديش خبرة اوي فكنت عايز اسال سؤال هو ايه الفرق ما بين اليكول فيرات الاصدار القديم والاصدار الجديد وهل اللون بياثر علي السعر يعني السيلفر اغلي من الاسود مثلا وكنت سمعت كتير اني مسدس الصوت لمل بيقع علي الارض بيتاذي لاني الحقيقة انا مش مقتنع تماما بالموضوع ده لاني ده المفروض مصنوع من معدن وكنت عايز اعرف ايه هو المعدن اللي بتتصنع منه مسدسات الصوت والسيلفر من مسدسات الصوت هل لونه بيغير مع الوقت ولا لا ولو غير اعمل ايه لاني انا بصراحة بحب اللون الفضي وانا اتفرجت قبل كده علي فيديو لواحد بيضرب با ايكول فيرات وكان سيلفر وفي الاخر لقيت ماسورة المسدس في المكان اللي قريب من بيت النار لونه غير وانا بجد اسف جدا علي الاطالة بس الحقيقة انا عايز اجمع اكبر كم من المعلومات لاني انا مقبل علي الشراء ان شاء الله في وقت قريب ومش عايز حد يخمني وشكرا جزيلا
|
اى طبنجة صوت موجودة فى مصر حتقع من ارتفاع اكتر من 2متر على ارض صلبة لازم حتتأثر بالسقوط مهما كان نوعها
فى مسدسات صوت حساسة للوقوع على الارض و دى محدش حيقدر يحددها غير اللى استخدم كل الانواع و انا شخصيا مشفتش مسدس حساس للوقوع زى منتجات فالترو و برونى الايطالى لانهم حساسين جدا للخبطات و السقوط و اكيد مش كل الفالترو ولا كل البرونى
خلى بالك ان اللون الفضى مع ضرب النار فى المسدسات الايكول التركى بيغير لو الطلاء من الخارج من عند بيت النار و لون الكربون الاسود حيبان اوى على اللون الفضى المكتوم الموجود فى الايكول الجاكال و لكنه لن يؤثر بالمظهر الخارجى على الفضى اللامع فى الريتاى ايجل مثلا
ده مسدسك انته و شكله لونه ذوقك انت الشخصى , محدش حيحدده غيرك ... انما اداء و امكانيات السلاح دول حاجة تانية
خلى بالك ان الحجم الكبير زيادة عن اللزوم غير عملى اثناء الحركة و الاستخدام ... احنا كلنا بلدى و ثقافتنا بتقول ان السلاح لازم يبقى بحجم حى شبرا و بوزن حاملة الطائرات عشان ندفع فلوس انما الواقع اثناء الاستخدام عكس كده تماما
