عرض مشاركة واحدة
 
قديم منذ /03-31-2012, 01:24 AM   #21

Trigger
المشرف العام

Trigger غير متواجد حالياً

 رقم العضوية : 197
 تاريخ التسجيل : Feb 2012
 المكان : THUNDERBOLT
 المشاركات : 2,574
 النقاط : Trigger will become famous soon enough
 تقييم المستوى : 50
 قوة التقييم : 15

Thanks: 2,487
Thanked 2,548 Times in 1,555 Posts
افتراضي رد: الطبنجه الحلوان العشق الاول والاخير للمصريين

 

اقتباس:
المشاركة الأصلية كتبت بواسطة compact مشاهدة المشاركة
الحلوان ايام الملكية كانت مصر بتنتجه باسم دنشواى

بعد كده اتفقوا مع المعلم بريتا انهم ياخدوا منه ماكينات التجميع و سموا المولود الجديد حلوان و طبعا مدينة حلوان ايامها غير مدينة حلوان بتاعة دلوقتى خالص , وهما لو كانوا يعرفوا ان حلوان ستتحول الى ما نراه اليوم كانوا سموه سيوه مثلا

الحلوان 51,54,57 خزنتهم 8 طلقات , ال 920 قبل الثورة كان خزنة 15 و بعد الثورة عملوه خزنة 20 طلقة و رجعوه تانى 15 عشان الناس كانت علمت عليه خلاص , ال980 مش فاكر كام طلقة دلوقتى بس تقريبا كان زى ال 920

مواسيرهم كلها فرز 24 من خردة و زبالة وكالة المعلم بريتا (كناية عن سوء المواسير) , اه فرز 24 عشان لو كانوا فرز تانى كان زمانه بقى حاجة تانية خالص.

موديلات حلوان:-
1- حلوان51 (ابو علبة زرقا) , بألوانه اسود كحيان و بنى جربان و فضى طهقان , طهقان لانه بيبقى مطلى مش نيكل كروم من الخامة نفسها زى بقية المسدسات المحترمة فى الدنيا كلها , و يبقى قابلنى لو جمع معاك خزنة كاملة 8 طلقات متتالى لانه قبل ما يكملهم حيكون سخن و ولع فى ايدك .
2- حلوان54 و حلوان57 , المشهور فى الجيش بأسم سلاح الخزنة الواحدة , يعنى يضرب ال 8 طلقات ده لو كملهم و يخش على الورشه فى قسم الرعاية المركزة عشان يتعالج من ضرب النار
3- حلوان920 , نسخة للبريتا 92 و بعض اجزاءه يتم استيرادها و بيتجمع فى الانجاز عشان مفيش وقت (كناية عن الفينيشنج الضايع للطبنجة) .
4- حلوان980 , هو 920 متدلع , به 3 أمان , يعنى لو مأمنه بال 3 أمان و انته ناسى و حصلك موقف فجائى لازم تستأذن البلطجى يستنى نص دقيقة مثلا عشان تفك ال 3امان و تسحب طلقة و تبتدى تنشن و تضرب و يبقى قابلنى لو البلطجى استناك خصوصا انه معهوش غير بندقية آلى لانه مش لاقى مسدس شمال يشتريه اصلا , و الغريبة ان الفينيش بتاع ال980 جيد جدا عن كل اخواته و لكنه بوزن سكان حى حلوان كلهم فهو بوزن الفيل و بحجم التنين الحزين.

عيوب الحلوان : دمه حامى و بيسخن بسرعة , اليايات (السوست) بتاعته متستحملش 50 طلقة و لازم تودع , ارتداده قوى جدا , تجميعه سىء جدا بعد ضرب أول 3,4 طلقات فى الخزنة

فى حلوان51 اسمه فى امريكا و كندا اسمه التجارى هناك حلوان بريجيدير و صناعة مصرية 100% و مفعهوش عيوب خالص غير ان خزنته 8 طلقات و ارتداده قوى و دول لا مفر منهم و الغريبة انه ليه اكسسوارات مش موجودة فى بلده مصر

ينفرد الحلوان51 الاسود و البنى بضرب عيارين 9مم طويل (9*19) و 9مم قصير (9*17) بنفس الكفاءة مع ان عياره الاصلى 9مم طويل 9*19 , الحلوان51 الفضى بيضرب 9مم طويل بس بسبب سمك ششخاناته و ارتداده انعم شوية من الاسود و البنى

و بعد اذن صاحب الموضوع الحلوان مش عشق المصريين خالص لان عشقه كان اجبارى على الشعب و لازال
تجميعه فى النشان حلو انما تجميعه فى الضرب شبه منعدم بيكدب اول ما يسخن
مش حنسى ابدا الحلوان51 اول سلاح ليا على الرخصة هريته ضرب و تغيير سوست عند زكى عوض و كنت لفه بكوتش عجل داخلى على الدبشك عشان السخونية
كنت شاريه سنة 2006 مستعمل ب 300 جنيه و كان معاه 200 طلقة و خزنة اضافية . النهاردة المسدس ايكول تونا الصوت المستعمل بأكثر من 300 جنيه ههههههههههههههه
الحمد لله . تجربة و عدت على راى عمرو دياب ههههههههههه


  رد مع اقتباس
The Following 4 Users Say Thank You to Trigger For This Useful Post:
أشرف صبرى (04-29-2012), ابوحمزه (02-23-2013), gmslem (05-09-2013), قناص الظلم (03-31-2012)