اقتباس:
المشاركة الأصلية كتبت بواسطة bodygard 34
فى قدامى واحد عاوز يبيع والتر بى بى فرنساوى مش المانى عيار 22 .. توتو يعنى.. بس لسه ماحددش سعره اللى عايز يبيع بيه.. ياريت نسمع رأى الجنرال فيه .. من ناحية الاعتماديه والكفاءه وياريت السعر كمان ..دى صورته
|
شكرا لثقتكم الغالية يا حاج محمد
اسمه التجارى بالبلدى عند خواجات اوروبا والتر مانورين
يوجد منه موديل اسمه بى بى سبورت بماسورة اطول و مقبض اطول و مختلف من البى بى العادى و ده اللى انا مقتنيه لحد دلوقتى و مصنف كطبنجة للرماية وليست للدفاع
البى بى مصممة لتكون طبنجة رماية بحجم مدمج
فى منه موديلين اسمهم كراون و ايجل ... الكراون لونه لامع و الايجل لونه اسود مط ... و الكراون منتشر اكتر ... و كلهم دبل اكشن
وزن و حجم نموذجى ما عدا موديل بى بى سبورت لان ماسورته طويله جدا نسبة لحجمه لانها طبنجة رماية بالاساس
البى بى اللى فى الصورة متوسط سعرها مستعمل فى الخارج ما يعادل حوالى 400 دولار ... و تعتبر طبنجة غالية مقارنة بأمكانياتها
بالنسبة للاعتمادية 100%
بالنسبة للخامات 100%
بالنسبة للماسورة 100%
ممكن تحس بسخونة بعد 5 خزن متتالى (الخزنة 10 طلقات)
طبنجة خشنة و رد فعلها يعتبر قوى بالنسبة للعيار ... و رد فعلها ده عيبها الوحيد من وجهة نظرى الشخصية كمستخدم
سعرها فى مصر متدنى جدا بسبب الثقافة العامة و طبيعة السوق المصرى ... ممكن 8000 جنيه لانها مميزة بالنسبة للطبنجات الاخرى فى نفس الفئة و صناعة المانية