إحتياطي النقد الأجنبي يصل الى 16 مليار دولار

[محمد كمال المحامي]

إحتياطي النقد الأجنبي يصل الى 16 مليار دولار

أعلن البنك المركزى، اليوم الخميس، أن صافى احتياطات النقد الأجنبي ارتفع إلى 16.039 مليار دولار في نهاية مايو الماضي، مقابل 14.4 مليار دولار في نهاية إبريل.

كان على باباجان، نائب رئيس الوزراء التركي قد صرح، فى مايو الماضى، بأن تركيا سترفع خط ائتمان قيمته مليار دولار لمصر بمقدار 250 مليون دولار.

وصرح الدكتور صلاح الدين فهمى ، رئيس قسم الاقتصاد بكلية التجارة جامعة الأزهر، لـ" بوابة الأهرام"، إن رفع خط ائتمان قيمته مليار دولار لمصر بمقدار 250 مليون دولار هدفه الحفاظ على مستوى الاحتياطي النقدى لمصر.

وتراجعت احتياطات النقد الأجنبي في مصر من مستوى 36 مليار دولار في بداية عام 2011 إلى مستوى 15 مليار دولار الذي تدور حوله منذ عدة أشهر.

المصدر: منتدى صيادين مصر

[احمد عبد المرضى]

هذا بالاضافة الى العمالة التى بالخارج و غالبا بترجع لمصر فى شهر 6 و 7 و8 مما سيزيد باذن الله الاحتياطى النقدى.

[احمد عبد المرضى]

نحن كشعب مصرى لبد ان نحافظ و نزيد من الاحتياطى الاجنبى: و لذلك انا لى بعض الاقتراحات

1- رفع الدعم عن البنزين
لان كل و احد منا بيدخل محطة البنزين بيخسر الدولة حوالى 6.5 جنية لكل لتر بنزين مع العلم لو وقفت فى اى شارع و شفت السيارات هتلاقى نسبة كتيرة من السيارت يركبها شخص واحد. و رخص تمن و التسيهلات فى الشراء ذاد بنسبة عاليه كمية السيارات . وفى الارياف كل ال كان عنده حمار باعه و اشترى موتسيكل او توكتك.
مما يعجل بنفاذ الاحتياطى.
2- التقليل من استهلاك الكهرباء فى المنازل مش كل ما حد يحس بشويه حر جرى يشترى تكيف (احنا عايزيز نكون مثل اهالينا رجاله نستحمل الحر و البرد)

[محمد كمال المحامي]

يا سلام عليك يا استاذ احمد

لو كل مصري فكر زيك مصر كلها هترتاح

و يكون لينا شأن كبير بحبنا لبلدنا وتضحيتنا من اجلها

[Trigger]

يعنى الناس تسحب فلوسها من البنوك ولا ايه ؟؟
شكلها كده بيغمق كل يوم اكتر من الى قبله

[eng.amg]

المشاركة الأصلية كتبت بواسطة احمد عبد المرضى

نحن كشعب مصرى لبد ان نحافظ و نزيد من الاحتياطى الاجنبى: و لذلك انا لى بعض الاقتراحات

1- رفع الدعم عن البنزين
لان كل و احد منا بيدخل محطة البنزين بيخسر الدولة حوالى 6.5 جنية لكل لتر بنزين مع العلم لو وقفت فى اى شارع و شفت السيارات هتلاقى نسبة كتيرة من السيارت يركبها شخص واحد. و رخص تمن و التسيهلات فى الشراء ذاد بنسبة عاليه كمية السيارات . وفى الارياف كل ال كان عنده حمار باعه و اشترى موتسيكل او توكتك.
مما يعجل بنفاذ الاحتياطى.
2- التقليل من استهلاك الكهرباء فى المنازل مش كل ما حد يحس بشويه حر جرى يشترى تكيف (احنا عايزيز نكون مثل اهالينا رجاله نستحمل الحر و البرد)

مع إحترامي أستاذ أحمد..
أولا:
مقارنتا بالخارج. فإن البنزين يتم دعمه في أمريكا والدول الخليجية.. فقط يرفع عنه الدعم في بعض بلاد أوروبا. ومقابل ذلك فإن معدل دخل أقل فرد تعليما يتجاوز 5000 يورو شهريا.
وأيضا حضرتك في مصر معندكش وسيلة محترمة للمواصلات غير السيارات الخاصة. أو التاكسي. لكن في البلاد إلي رافعة الدعم عن المحروقات. المواصلات العامة أفضل 100 مرة من السيارات الخاصة.
لما كنت في فرنسا. المترو والأوتوبيس في منتهى الإلتزام بالمواعيد لدرجة إنك بتظبط الساعة علي ميعادهم. وفي منتهى النظافة والترتيب وأنظف 100 مرة من نظافة سيارة شخصية.
مش ممكن حضرتك حتأمن علي زوجتك أو بنتك أو حتى حضرتك للركوب في وسائل المواصلات العامة هنا.

ثانيا:
زمان من 20 سنة كان الطقس (دفيئ ممطر شتاء. حار جاف صيفا)
لكن مع تغير المناخ أصبح الطفس متطرف .. (شديد البرودة شتاء. شديد الحرارة صيفا)
الناس بتاعة زمان كانوا بيستحملوا الحر والبرد وأنا كنت فاكر الكلام دا. لكن فعلا الوقتي لما تلاقي الحرارة 46 في القاهرة عادي جدا. و56 في الجنوب عادي جدا بردو. لو جدودنا كانوا عايشين ساعتها كانوا فطسو..

[احمد عبد المرضى]

مساء الخير مهنس أحمد

اولا:

كل الا انت قلته عندك حق فيه.
و لكن قلة الدخل بسبب.......................> ضعف فى الميزانية
عدم وجود موصلات بسبب....................> ضعف فى الميزانية
لانك استفذت الميزانية فى المحروقات
حسبة بسيطة:
1-لو افترضنا ان عدد السيارات بمصر 10 مليون سيارة ( واعتقد ان اكتر من كدا بكتير و بالذات لو اخدنا معنا فى الاعتبار كل الميكنات ......)
2- و لو افترضنا ان كل واحد بيستهلك حوالى 200 لتر فى الشهر.
3- الدوله بتدفع لكل مواطن تقريبا 6.5 جنية (نقول بالتقريب 1 دولار) لكل لتر اذا الدوله بتدفع لكل مواطن شهريا 200 دولار.

لذلك الدولة بتخسر =10 مليون * 200 دولار = 2 مليار دولار شهريا (دعم بنزين فقط)

ثانيا

وجدود الدعم بيسبب عدم المسواة بين كل اطياف الشعب
1- مثلا (مواطن عندة سيارة بياخذ دعم اكتر من مواطن لايمتلك سيارة)
2- مواطن عايش فى القاهرة او الاسكندرية او اى مركز او محافظة كبيرة باخذ دعم اكتر من المواطنين ال فى الارياف (فى صورة خدمات)
3- مواطن عايش داخل مصر عايش على الدعم و اخر اتغرب ( لانة مش لاقلى شغل فى مصر) ولا بيشوف الدعم
4- سائح اجنبى او عربى (عدد كبير جدا) جاى مصر للسياحة عايش تمام على الدعم
واشياء اخرى كتير

[أشرف صبرى]

المشاركة الأصلية كتبت بواسطة احمد عبد المرضى

نحن كشعب مصرى لبد ان نحافظ و نزيد من الاحتياطى الاجنبى: و لذلك انا لى بعض الاقتراحات

1- رفع الدعم عن البنزين
لان كل و احد منا بيدخل محطة البنزين بيخسر الدولة حوالى 6.5 جنية لكل لتر بنزين مع العلم لو وقفت فى اى شارع و شفت السيارات هتلاقى نسبة كتيرة من السيارت يركبها شخص واحد. و رخص تمن و التسيهلات فى الشراء ذاد بنسبة عاليه كمية السيارات . وفى الارياف كل ال كان عنده حمار باعه و اشترى موتسيكل او توكتك.
مما يعجل بنفاذ الاحتياطى.
2- التقليل من استهلاك الكهرباء فى المنازل مش كل ما حد يحس بشويه حر جرى يشترى تكيف (احنا عايزيز نكون مثل اهالينا رجاله نستحمل الحر و البرد)

رغم ان انا معترض على نص كلامك الا انى سعيد بروحك و وطنيتك.....و هاكون اسعد بصداقتك...

[احمد عبد المرضى]

ثالثا

فيه طائفة من المواطنين اصبحوا اغنياء غير طبيعى بسبب الدعم منهم مثلا
1- تجار و مربى الدواجن بيربى ويسمن الدجاج بالاسعار المدعومه وعند البيع بيبيع بسعر عالمى.
2- مربى الماشية وتجار اللحوم نفس الكلام.
وكتير غيرهم

[قناص الظلم]

المشاركة الأصلية كتبت بواسطة أشرف صبرى

رغم ان انا معترض على نص كلامك الا انى سعيد بروحك و وطنيتك.....و هاكون اسعد بصداقتك...

احبك فى الله يا سياده العقيد