العودة   منتدى صيادين مصر > الصيد وانواعه والرحلات > الصيد البحري والنهري
 

 
 
إضافة رد
 
أدوات الموضوع انواع عرض الموضوع
 
قديم منذ /04-11-2012, 09:25 AM   #1

محمد حسام
مشرف

محمد حسام غير متواجد حالياً

 رقم العضوية : 221
 تاريخ التسجيل : Feb 2012
 المكان : مصر
 المشاركات : 828
 النقاط : محمد حسام is on a distinguished road
 تقييم المستوى : 16
 قوة التقييم : 13

Thanks: 590
Thanked 777 Times in 496 Posts
افتراضي كل شئ عن الدنيس

 

فى جسدها رشاقة وانسيابية.. ذيلها صغير مستقيم.. عيونها ذكية.. لحمها طرى غنى بالأملاح المعدنية والفيتامينات والكالسيوم والفسفور.. له قدرة عجيبة على منح سعرات حرارية عالية يحتاجها الجسم الإنسانى.. إنها سمكة “الدنيس” التى يعرف قيمتها جيداً الباحثون والصيادون وتجار الأسماك ومتذوقوها..!!
فى المياه الساحلية والبحيرات الضحلة تعيش سمكة الدنيس حياتها.. قيمتها المرتفعة.. وندرة وجودها.. أهم أسباب ارتفاع أسعارها.. لكن عشاقها من الآكلين لا يبخلون فى سبيلها بشئ.. مما يدفع عشاقها من الصيادين إلى متابعتها والصبر عليها للوصول إليها.. حيث أنها تفضل العيش فى المياه المالحة بالقرب من مصبات الأنهار..
الدنيس سمك موجود فى البحر المتوسط فى شرق التفريعه و الحواجز و بعض الاماكن الاخري من شهر 10 الي شهر 2، والدنيس يوجد بمحموعات لاتقل عن ثلاث سمكات تعوم ببطء فى قاع البحر بحثا عن الديدان والقواقع والجراية الصيفى ( الكابوريا ) والاحياء ويعتمد على قوة اسنانة وادراسة القوية ولدية القدرة على طحن قوقعة صدفية ويلتهم ما بداخلها من احياء
موسم سمك الدنيس من منتصف شهر اكتوبر الى اخر شهر فبراير , ولكن افضل وقت لسمك الدنيس هو من ديسمبر الى يناير .
و بعض الصيادين يطلقون على سمك الدنيس الصغير اسم ( فلّيجس ) والكبير دنيس , و هناك نوع اخر يطلق علية الصيادين الملك و هو يتميز بوجود نقطة (لطشة ) صفراء على خياشيمة .
اماكن تواجد الدنيس :
سمك الدنيس بيحب الوعر وبيعيش حواليه في مجموعات ,وبيحب برضه الارض الخشنة , يعني لو المكان اللي بترمي فيه مفيش فيه وعر ورملته خشنة (حصى) حتلاقي الدنيس موجود وزي ما قلنا انه بيعيش في مجموعات ودايما بيتحرك في المنطقة في شكل دواير علشان يدور على الاكل ولو اخذت منه واحده وغاب عليك بعد كده متقلقش حيلف ويجيلك تاني ان شاء الله .
لأدوات اللازمة لصيد الدنيس :
ماكينة او بوصة يد الشعر من رقم40 الى 45 والسنار من رقم 3 الى رقم 6 او يابانى من 14 الى 16 رصاص بلح صغير لعدم الأزعاج
طريقة الربط :ـ بما ان الدنيس موجود فى قاع البحر يربط السنار اسفل الرصاصة وتكون الرصاصة دائما حرة
الطعم فى الصيف :ـ
النطاط ـ الجلاجلة ـ الجراية ـ سرطان البحر الصيفى للدنيس الموجود على الصخور والطعم الطازج الجامد عامة حرصاَ من تدخل السمك الرفيع
الطعم فى الشتاء :ـ
جمبرى العقر او البلنص ـ الجندفلى ـ الديدان ـ شرائح البلاميطة ـ لانه فى الشتاء يحدث للسمكة اعياء فيحتاج الى الطعم الطرى .
طريقة الرمى والصيد :ـ
الرمى تحت حافة الصخر وتحت حافة القش ، وعندما تأكل السمكة لاتشد الشعر وأنما أعطيها بوش من الشعر حتى تتمكن من بلع الطعم كى لاتشلح وتترك السنارة واذا كانت السمكة كبيرة لاتتعجل فى اخراجها حتى ترهقها وتخرجها بالهدوء حرصا على سلامة البوصة والشعر والسمكة ويستحسن ان ترمى فى نفس المكان فى محيط خمسة امتار كما اوضحنا ان الدنيس مجموعة فى نفس المكان واذا امتنع حرك الطعم بتحريك الشعر . لما تشبك سمكة حتشد الاولى سيبه ولا كأنك تعرفه , المرة الثانية اتركة بحذر , الثالثة ابداء فى لم الشعر (الخيط) ,ولما تلاقى مقاومة من السمكة وقف ايدك شوية لغاية ما يبتدي يعافر وبعدين ابداء فى لم الشعر مرة اخرى .
1- بالبوصة الماكينة
الشعر الاساسي 40 – الفروع 35 او 30
السلاح(السنارة) لو فيه فليجس في البحر يبقى السلاح نمرة 5 او 4 او 3 بالكتير , ويفضل سنارة بكرش ,ولو بترمي على السمك الكبير يبقى السلاح نمرة 01 او 02 او 03 .
1- ان تكون القرمة مشابهة للقرمة على بوصة اليد ولكن اقصر (مثلا 30 سم و45 سم)وتكون تحت الرصاصة .
2-ان يكون السلاحين فوق الرصاصة ولكن على طريقة السبحة بمعنى ان يكون السلاح الاول فوق الرصاصة ويليه السلاح الثانى واطوال الاسلحة ايضا من 25 الى 35 سم
طريقة الربط :ـ بما ان الدنيس موجود فى قاع البحر يربط السنار اسفل الرصاصة وتكون الرصاصة دائما حرة
2- البوصة العادية (بوصة اليد)
وفيها طريقتين :-
أ – الحساس
وهو نفس الصيد بالماكينة بس بالبوصة العادية
ب -الصيد بالفلة وده لازم يكون على عمق , لان الدنيس دايما فى القاع



  رد مع اقتباس
The Following User Says Thank You to محمد حسام For This Useful Post:
kefafy (04-11-2012)
 
قديم منذ /04-11-2012, 09:29 AM   #2

kefafy
صياد محترف
 
الصورة الرمزية kefafy

kefafy غير متواجد حالياً

 رقم العضوية : 87
 تاريخ التسجيل : Jan 2012
 المشاركات : 770
 النقاط : kefafy is on a distinguished road
 تقييم المستوى : 13
 قوة التقييم : 13

Thanks: 711
Thanked 658 Times in 483 Posts
افتراضي رد: كل شئ عن الدنيس

 

ياريتنى كنت معاهم
ههههههههه
بسم الله مشاء الله تسلم كدة حضرتك بدات تفهمنى
الف الف شكر على الموضوع و المعلومات
وفى انتظار موضوع عن الفرسه او السيل فيش زى مبيقولو عليها علشان موسم الجر داخل
وربنا يخليك لينا يا محمد بيك


توقيع kefafy :

سبحان الله وبحمده سبحان الله العظيم

رسمنا علي القلب وجه الوطن نخيلا ونيلا وشعبا اصيلا

وصناك يامصر طول الزمن ليبقي شبابك جيلا فجيلا

يد الله يا مصر ترعي سماك وفي ساحة الحق يعلو نداك

ومادام جيشك يحمي حماك ستمضي الي النصر دوما خطاك

  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:01 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi



أقسام المنتدى

الأقــســـام الــعـــامــة @ الصيد العام @ قسم الأسلحة @ أسلحة ضغط الهواء @ السلاح الحي والخرطوش @ أسلحة الصوت ( محدثات الصوت ) @ الورشه والصيانه @ الصيد وانواعه والرحلات @ رحلات الصيد بالصور @ الصيد البري @ المطبخ @ قسم السوق @ بيع وشراء الاسلحه الهوائيه و مستلزماتها @ بيع وشراء مسدسات الصوت ومستلزماتها ( محدثات الصوت ) @ السوق العام @ الإدارة @ استراحة الصيادين والهواة @ العياده @ الصيد البحري والنهري @ بيع وشراء ادوات صيد السمك @ مجلة صيادين مصر @ حيوانات و طيور الصيد @ منتدي السيارات @ شخصية العدد @ تاريخ الصيد والرمايه والاسلحه @ منتدى هواة تربية الطيور والأسماك والحيوانات الأليفة @ قسم هواة الحمام واليمام @ قسم هواة الصقور والطيور البرية @ قسم هواة الببغاوات وطيور الزينه @ قسم هواة اسماك المياه العذبة @ قسم هواة اسماك المياه المالحة @ قسم هواة الكلاب @ قسم هواة القطط @ مقترحات تطوير المنتدى @ المحذوفات والموضوعات المكررة @ منتدى هواة تربية الطيور والاسماك والحيوانات الأليفة @ سوق سيارات منتدى صيادين مصر @ بيع وشراء السلاح الحي و بنادق الخرطوش المرخصة @ الاعلان عن رحلات الصيد البحري وطلعات الصيد البري @