الحبس‏ 3‏ أشهر وغرامة 100 ألف جنيه لصيد الطيور والحيوانات البرية

[قناص الظلم]

المشاركة الأصلية كتبت بواسطة compact

قوانين الصيد و السلاح فى مصر عمرها ما حتتغير دون ارادة سياسية من الدولة ... و لن توجد ارادة سياسية فى هذا الشأن بالذات دون ارادة شعبية ... و لن توجد ارادة شعبية دون اتحاد حقيقى من المريدين و الهواة و المستفيدين و هم ليسوا بقليل و من جميع طبقات المجتمع و مش من مجتمع الصفوة بس

بالنسبة لشهر 11 ... فراعنة بقى

انا شايف فى الفتره الاخيره ان معظم الصيادين اتجهوا للتجاره واصلا اكتشفت ان الاغلبيه حديثوا العهد بالصيد اصلا وهذا فسر لى لماذا لم يهتم احد بكلامى العام الماضى التجاره والهوايه لا يتفقان ابدا ربنا يستر وخلاص

[Compact]

المشاركة الأصلية كتبت بواسطة قناص الظلم

انا شايف فى الفتره الاخيره ان معظم الصيادين اتجهوا للتجاره واصلا اكتشفت ان الاغلبيه حديثوا العهد بالصيد اصلا وهذا فسر لى لماذا لم يهتم احد بكلامى العام الماضى التجاره والهوايه لا يتفقان ابدا ربنا يستر وخلاص

الاغلبية فعلا حديثى العهد جدا و استسقوا خبراتهم من المنتديات و ليس من التجارب الواقعية

و ده سبب فى تداول معلومات مغلوطة كتير ساعات بيبقى مصدرها ترويج التجار لبعض انواع مسدسات الصوت و بنادق الرش و مستلزماتها

لو فى نظام صح ستتفق التجارة مع الهواية كما يحدث فى الكثير من الدول (win win situation) و هى نوع من انواع العدالة الاجتماعية فى الاداء العام للدول فى جميع مجالات الحياة الاساسية و الترفيهية

[الجنزوري]

حرام والله

[المدير العام]

الكلام ده خاص بالمحميات الطبيعيه

[eng.amg]

المشاركة الأصلية كتبت بواسطة المدير العام

الكلام ده خاص بالمحميات الطبيعيه

للأسف يا باشا القانون غير قاصر علي المحميات.
القانون صياغته غلط وأنا أتناقشت مع ناس كتير من الشرطة والمحاماه وأكدولي إن القانون يقصد كل الأنواع والأماكن.

لكن رأيهم هوا الي كان غريب وهو كالآتي:

- أجمعوا إن لو طبقوا القانون حيحبس كل الصعيد. والمدن الساحلية ونصف سكان القاهرة - لأنه طبعا شامل الصيد البري والنهري والبحري

- فئة الصيادين فئتان: فئة عمرية من 13 إلي 16 سنة ودول ملهومش بطاقات هوية ومعدومي الأهلية., وفئة من 30 إلي 60 ودول هواه معظمهم محترمين ومناصب في الدولة ومش عايزين مشاكل معاهم.

- إتقالي رأي عجبني جدا: قالوا إن الشرطة غير محبوبة في المجتمع ومش ناقصة مشاكل وقرار زي دا ممكن يعمل محاولات تسليح الشعب لمقاومة السلطات...وهيا مش ناقصة

- المعاقب بالقانون فقط هم من يستخدمون الأسلحة النارية غير المرخصة أو الواجب ترخيصها أو من يقوم بالصيد بالمتفجرات والكهرباء وطبعا المحميات والأماكن الحساسة.

والله أعلم

[Compact]

معظم القرارات الوزارية للتنمية المحلية و البيئية حاليا قرارات متخبطة و غير مدروسة على الاطلاق و غير موجود آليات لتطبيقها اصلا و ده الغريب !!

[محمد كمال المحامي]

أعتقد ان هذا النص خاص بالمحميات الطبيعية والطيور والاشجار الكائنة بها

[المستشار]

السلام عليكم ورحمة الله وبركاتة
انا عضو جديد معاكم في المنتدى. . واحب اطمنكم ان الكلام دة مرسل ومجمع من عدد من مواد من القانون 9 لسنة2009 يعني مش جديد و نص مادة حظر الصيد هيا المادة28 ووارد فيها ان اللائحة التنفيذية للقانون هتحدد انواع الطيور المحظورة واماكن حظر الصيد و الكلام ده خاص بالمحميات والكائنات النادرة. ......... وتحياتي للجميع

[eng.amg]

المشاركة الأصلية كتبت بواسطة المستشار

السلام عليكم ورحمة الله وبركاتة
انا عضو جديد معاكم في المنتدى. . واحب اطمنكم ان الكلام دة مرسل ومجمع من عدد من مواد من القانون 9 لسنة2009 يعني مش جديد و نص مادة حظر الصيد هيا المادة28 ووارد فيها ان اللائحة التنفيذية للقانون هتحدد انواع الطيور المحظورة واماكن حظر الصيد و الكلام ده خاص بالمحميات والكائنات النادرة. ......... وتحياتي للجميع

شكرا لتوضيحك للامور.. واهلا وسهلا بيك في المنتدى.

[المستشار]

المشاركة الأصلية كتبت بواسطة eng.amg

شكرا لتوضيحك للامور.. واهلا وسهلا بيك في المنتدى.

متشكر لذوقك ويسعدني وجودي بينكم
وارجو ان تكون مداخلتي وضحت الامر بالقدر الكافي و طمئنت كل الصيادين