ان شاء الله هاكون فى النادى يوم السبت حوالى الساعة 11 و نصف او بالكثير 12
لما سالت النهار ده قالوا لى ان ميادين الرصاص مفتوحة يوم السبت بس يمكن تكون زحمة بسبب تدريب فرق الجيش لان عندهم بطولة يوم الاثنين و نصحونى نيجي متأخر شوية
عقبال فريق المنتدى لما يدخل و يقش البطولات
كان نفسى اجى واتعرف على كل الموجدين بس بعد الساعة 11 هيبقى صعب عشان عندى ميعاد شغل لو كان بدرى عن كدة كنت جيت وبعدين لحقت معادى
وكمان للاسف لسة ها استلم سلاحى يوم الاثنين من المخازن
بيان رقم 1 من المجلس الاعلى للمنتدى
يا رجالة أنا رحت نادى الرماية يوم الخميس الصبح بدري قبل الشغل و سالت على امكانية تأجير ميدان للتدريب
قالولى روح اسأل فى قسم الاشتراكات والحسابات وهناك سالت قالولى تشرف وتنور اى يوم فى الاسبوع من الساعة 9 حتى الساعة 1 و نصف ما عدا الخميس و الجمعة و تجيب صورة البطاقة والرخصة والسلاح والذخيرة واضرب زى ما انت عايز و سالت ممكن نيجى يوم السبت قالولى تشرف و تنور
زيادة فى التأكيد قمت رحت الميدان علشان أتأكد ان كله تمام لقيت مدرب كبير بيدرب بعض الظباط على المسدس السريع فعرفته بنفسى وقلتله أنى عاوز أبقى أجى أتدرب و للأمانة الرجل كان فى منتهى الذوق و رحب بى ترحيب شديد و قعد يشرح لى المسدس السريع لانى كنت اول مرة أشوفه و سالته ينفع نيجى يوم السبت قاللى ان فيه تدريب كبير يوم السبت لان عندهم بطولة يوم الاثنين فنؤخر الحضور للساعة 11-12 علشان يكون التدريب قرب يخلص و يبقى فيه فرصة نتدرب كمدنيين ونصحني أقابل مدير النادى او مدير الميادين لكنى للأسف كنت مضطر أمشى الساعة عشرة و كانوا لسه ما وصلوش
و بعد ما قريت مداخلة إيهاب بك رشدى الفار لعب و كلمت ألمدرب اللى قابلته امبارح و قلت له إحنا مجموعة جايين يوم السبت للتدريب فرد على انه كان قصده ان لو واحد او أثنين ممكن لكن لو اكتر من كده مش أكيد و ابتدأ يقول لى كلام من نوعية " احتمال و مش أكيد و نحاول و نشوف و طب تعالوا و ربنا يسهل" و الصراحة حسيت ان الرجل بسبب ذوقه و أخلاقه مكسوف يقول لى ما تجيش
خلاصة الكلام: غالبا بكرة التدريب هيبقى صعب و مش أكيد و أنا أخلى مسئوليتى و اللى عايز يروح يبقى على مسئوليته الشخصية ولا يحق له الرجوع على الطرف الاول ( اللى هو انا) باى طلب للتعويض من طلقات و خلافه والخطوة الإيجابية ان إحنا نبتدى نوضب ليوم تانى و لعله خير ان إحنا نبقى مستعدين اكتر و تبقى فرصة لعدد اكبر للحضور
والله الموفق والمستعان
رد: دعوة ليوم تدريب فى نادى الرماية
خسارة هبقي في الشغل كان نفسي قوي اجي واتعرف عليكو ............
العرض العادي
