اقتباس:
المشاركة الأصلية كتبت بواسطة admin
لا احنا كدا محتاجين خبراء صيد الأسماك
استاذ كفافي واستاذ بودي جارد
انتوا فين يا جماعة
|
ربنا يعزك يا محمد بيك
دى نوع من انواع الربالات الغاطسة واسمها معالق
ويفضل تلميعها بالكربوناتو وليمون علشان تلمع وتزيل طبقة الاكسدة من عليها ثم تاخدها بالصيد
يتم ربط وش واير مقاس 40 بطول 30 سنتى
ويتم حدفها لمسافه ثم تبدا بللم بالبطىء
ودى هتجيبلك كميه من البراكودا و الدراك بشكل هستيرى نظرا للمعتها
وايضا البياض الى اكبر من 10 كيلو ليه لان البياض لما بيكبر بيبدا يطلع على سطح المياه ومبيخفش من مجموعات الاسماء الى على الوش زى البركودا لانها بتمشى فى مجموعات ولو بياضه صغيرة علشان جسمها بيلمع فالبراكودها تاكلها
فالمعالق دى من افضل الطعوم الصناعيه على الاطلاق للبراكودا و الدراك و البياض بالبحر الاحمر وايضا قشر البياض (او الساموس باسوان ) فى النيل
ولازم وش واير فى الاول علشان المناورة لان ممكن لو وش نايلون يتقص بسهولة مهما كان قطره
وفى طريقه تانيه بردو للبياض الصغير من كيلو لما فوق وايضا البراكودة الصغيرة من نص كيلو لما فوق علشان بيبقو فى القاع فالطريقة الاولى مش هتنفع
ممكن يتحط تقاله بلحة واحدة قبل المعلقة مباشرة
ويتم تغطيس لحد وصولها للقاع
وتبدا تلم بطريقة الجيجنج مثل الفيديو ده بظبط
http://www.youtube.com/watch?v=_sZws...eature=related
ملحوظة فى الطريقة الثانيه يجب التاكد من جودة العدة لانها لو عدة فراملها تعبانه وارد جدا ان حاجة فى الاعماق تضرب عليها ممكن توصل ل10 او 15 كيلو فلو عده تعبانه هتروح خالص
كل المواضيع دى انا جربتها بنفسى وعندى كذا مقاس
وافضل مقاس هو الى عرضة باش مهندس اسلام ربنا يحفظة ويباركله
ولو هتشترو من برة مواصفتها يجب ان تكون كالتالى
اصغل مقاس من 5 سنتى لما فوق
لامعه جدا جدا
الشليط لازم يكون ستانليس ومش مصدى
لا يوجد بها اى صدأ تماما
وتحياتى للجميع