السلام عليكم
اريد ان استشير الافاضل فى موقف حدث معى شخصيا
انا من سكان جسر السويس ولكن كل اصدقائى فى شبرا اول امس خرجت من شبر ا الساعه 3 صباحا متجه الى
الدائرى مدينه السلام وحدث الاتى
سياره تريلا محمله تانك سولار ماشيه على الطريق فى الشمال بسرعه تقريبا 120 كم وسياره نصف نقل على اليمين وبها 3 افراد بالصندوق شكلهم عمال غلابه وانا المفروض هعدى من بينهم لانى ماشى بسرعه عاليه تقريبا 150 كم فجاءه لقيت التريلا حدفت يمين مره واحده اعتقد ان السائق نام المهم انا دوست فرامل بكل قوه واخدت شمال مكان التريلا وربنا نجانى المهم التريلا خبطت النص نقل وبقت معجنه لدرجه ان النص نقل اتعجنت والنالس طارت فى نص
الدائرى لانهم راكبين فى الصندوق والكلام ده عند مطلع بهتيم بعد شبرا الخيمه والناس ال 3 بقوا مرمين فى نص الطريق المهم وقفت بعربيتى وروحت شديت ابعد واحد فيهم وكان بالظبط فى نص الطريق وخفت عليه احسن حد يبقى جى بسرعه ويدوسه لاننتا على شبه تبه واللى جى مش شايف ايه اللى تحت وجريت جبت شنطه الاسعاف من عربيتى عشان كان واضح انه مش عارف يتنفس ولسه برفع دماغه عشان اركبله انبوب التنفس السر الالهى طلع الله يرحمه وفى الوقت ده كانت وقفت عربيه نص نقل محمله فراخ وعربيه 128 المهم سواق التريلا لما لقى الراجل مات ركب التريلا ومشى انا سبت الناس اللى ميته ومتقطعا على
الدائرى وقلت لبتاع ال128 كلم الاسعاف وطلعت جريت ورا التريلا انا وبتاع الفراخ اول نزله هتقابلنا بتاعت مسطرد وبعديها على طول كمين المرج سواق الفراخ ارجل انسان شوفته فى حياتى راح سبق وقطع الطريق على النزله ومن هنا ياتى الاكشن فتوقعت ان سائق التريلا سيكمل على طول ولكن الراجل اللى معندوش اى حاجه فى الدنيا تقول انه بنى ادم راح مزود بنزين ودخل فى النص نقل عجنها فى السور بتاع النزله وانا من غير ما اشعر لقيت ايدى بتتمد على السلاح وانا على طول شادد الاجزاء وضربت طلقتين فى الهواء فا الراجل اتبرجل وبقت التريلا محشوره عشان النص نقل اتحشرت معاه فى الرصيف وبقى تقريبا فوقيها روحت واقف قدامه على رجليا وقلتله هضربك بالنار وهوا الله اعلم كان ماله كان مصمم باعجوبه انه يهرب والمشكله ان الاتنين اللى كانوا فى عربيه الفراخ بقوا مزنوقين فى عربيتهم مش عارفين ينزلوا جنب فى السور والجنب التانى فى الترلا تقريبا فوقيهم والعيال اللى جوا هتموت المهم راجعت نفسى وضربته فى الكاوتش اللى ادام عشان انا فعلا كنت هضربه بالنار ووقف والعيال خرجت من العربيه موتوه من الضرب وفى هذه الاثناء احب اقولكم انا كلمت البوليس 25 مره محدش بيرد خالص وطلع الراجل بيهرب سولار وفهمت هوا ليه عايز يهرب ومش مهم عنده يموت كام واحد المهم واسف على الاطاله سبتهم بيعجنوه وروحت الى كمين المرج حكيت كل اللى حصل فوجئت بالافاضل بيقولولى ان احنا تبع القاهره والحادث وكل اللى سبق تبع القليوبيه بقيت هطنقط وروحت نمت وكلى اسى ياترى انا كده
متهور وشكرا