شركة جامو و اول بندقيه خرطوش بضغط الهواء وليست بالبارود (Gamo Viper Express)

[kefafy]

شركة جامو و اول بندقيه خرطوش بضغط الهواء وليست بالبارود (Gamo Viper Express)

السلام عليكم ورحمه الله وبركاته
مقدمه
تعتبر شركة جامو من شركات بنادق ضغط الهواء العالميه التى تتميز ببعض المميزات ومنها :
1- العمل فى خطوط انتاجها على الخامات الجديدة مثل البوليمرز و الكاربون مما تفتقر شركة نوريكا المنافسة لها من نفس دولة الانتاج وهى اسبانيا حيث تنتهج شركة نوريكا نهج الكلاسيكيه فى خامات التصنيع
2- البحث العلمى مقارنة بمثلاتها حيث ان شركة جامو تعتبر هى الاولى فى مجال بنادق الشحن المسبق (PCP) مقارنه بمثيلاتها الاسبانيه
3- التنوع فى المنتجات حيث ان جامو تنفرد فى توفير اكثر من موديل لنفس الفئه كى تتناسب مع كافه الازواق فنجد موديل مثل روكيت ( روكيت , روكيت دى اكس , وروكيت كوموفلاج )

بندقيه هذا الموضوع تعتبر فريده ولم تتناولها شركة من قبل ولا حتى الشركات الامانيه الكبرى وهذا نتيجة البحث العلمى كما تم ذكره من قبل
فى بندقيه تعتمد فى التصويب بها بنظام التوجيه مثل مثيلاتها الخرطوش
وهذة بعض الصور ويتضح بها رشاقه القوام وجودة التصميم الانسيابى











نظام التعمير :

هى بندقيه كسر زيها زى اى بندقيه كسر يتسع بيت الخرطوشة لكى يتم تلقيمها يدويا بهذا الخرطوشة
وبالنسبه للماسورة فهى ماسورة مششخنه (rifled)




ومن الواضح وجود بلى داخل الخرطوشة وبعض الشركات تصنع هذة الخرطوشة بعدد 20 بليه و البليه نمرة 9 وشركه جامو تصنع ايضا انواع بعدد 25 بليه
وتعتمد على خروج الهواء من البستم ودخوله للخرطوشة لدفع كافه البلى خارج الخرطوشة مرورا بالماسورة حتى الفوهة وتبلغ سرعه البلى 171 متر فى الثانيه (562 قدم/ث) ويتم انتشار البلى وتتسع البؤرة بسرعه 6.5 متر فى الثانيه

طبعا العامل البشرى هام جدا ويعتبر عقبه فى منهج الاحتكار
حيث ان تم ابتكار العدد من الطريق لاعادة ملىء هذة الخرطوشة مرة اخرى كما موضوع فى بعض هذة الفيديوهات

http://www.youtube.com/watch?v=PmlqnyhdemM

http://www.youtube.com/watch?v=92mxy...eature=related


وهذة صورة لبيت الخرطوشة




الازدواجيه فى التلقيم

لم تعتمد شركة جامو عند عمل هذة البندقيه فى تصميمها للعمل على الخراطيش فقط , بل قامت بعمل جلبه من النحاس (pellet adapter)








ويتضح ان هذة الجلبه او الادابتو بنفس حجم الخرطوشة ولكن الثقب الموجود بها تم وضع الرشه عيار 5.5 او نمرة اتنين زى مبنقول عليها مع وجود اويلسيل لمنع مرور الهواء حول الادابتور مع تركيزة على بيت الهواء بالرشه
زطبعا سرعه الرشه تختلف مع تغيير العيار الى رشايه نمرة 2 , وبالمثال الحى بتجربه رشايه كروسمن برميير (Crosman premier) بوزن 14.3 جرين فنجد ان سرعتها قد تصل الى 194 متر فى الثانيه (638 قدم/ث)

وتحياتى لاخوانى الاعزاء بالمنتدى
والموضوع حصرى ولم اقم بنشره او نقله من اى منتدى اخر
لعل وعسى ان يستفاد اى احد بالموضوع او حتى جزء من الموضوع

اخوكم احمد الكفافى

المصدر: منتدى صيادين مصر

[kefafy]

طبعا الافكار هتبدا تشتغل
ازاى نعملها على البندقيه العاديه طالما الماسورة مششخنه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والمصريين لما بتعدل ممكن تخليها تبقا اى بندقيه رش بس ازاى ؟؟؟؟؟
تحياتى ليكم كلكم ويارب اكون فتحت باب للفكر المتسع ونعمل برين ستورمينج او عصف ذهنى سولو (Brain storming) فردى يعنى وكل واحد يقولنا فكره
طبعا انا عندى حوالى 12 فكرة بالعدد منهم 10 على النوريكا الجت و 2 على المسدس الولتر قسمت الورث خلاص
تحياتى للجميع

[Trigger]

موضوع ممتاز و حصرى

[قناص الظلم]

موضوع ممتاز جداااااااااااااااااااااااااااااااااااااا حصريا على منتدى صيادين مصر حقوق المشاهده محفوظه لمنتدى صيادين مصر

[kefafy]

المشاركة الأصلية كتبت بواسطة trigger

موضوع ممتاز و حصرى

شكرا لمرورك الكريم يا محمد بيك

[kefafy]

المشاركة الأصلية كتبت بواسطة قناص الظلم

موضوع ممتاز جداااااااااااااااااااااااااااااااااااااا حصريا على منتدى صيادين مصر حقوق المشاهده محفوظه لمنتدى صيادين مصر

والله محفوظة
والموضوع ده تحديدا انا عمله علشان خاطرك
وهتعرف ليه بعد متتفرج على المقطعين الفيديو الى فيهم طريقه تعبئة الخرطوشة
ولما تتفرج هتفهم قصدى يا عبقرى العباقره
ومستنى اقترحاتك

[Compact]

الله عليك يا ابو محمود

فعلا خبير ضغط هواء دولى

بس انا مشفتش حد بيبيع المينى خرطوش ده فى مصر

[قناص الظلم]

المشاركة الأصلية كتبت بواسطة kefafy

والله محفوظة
والموضوع ده تحديدا انا عمله علشان خاطرك
وهتعرف ليه بعد متتفرج على المقطعين الفيديو الى فيهم طريقه تعبئة الخرطوشة
ولما تتفرج هتفهم قصدى يا عبقرى العباقره
ومستنى اقترحاتك

تسلم يابو حوده العفو ياراجل عبقرى ايه بس يموت المعلم ولا يتعلم - هانزل فلاش لانى اليوم نزلت وندوز جديد فالفيديو مابيتعرضش وباذن الله نكون عند حسن ظنك - فهمتك

[kefafy]

المشاركة الأصلية كتبت بواسطة compact

الله عليك يا ابو محمود

فعلا خبير ضغط هواء دولى

بس انا مشفتش حد بيبيع المينى خرطوش ده فى مصر

وانا والله يا جنرال
بس الفكرة حجبتنى جدا جدا وطالما القاذف هواء وايا كان المقذوف يبقا فى قانوننا المصرى الجميل مش مجرم
والموضوع ده حبيت اسردة مش علشان البندقيه وبس لأ علشان ازاى نطبقها على بنادقنا
وبخصوص المينى خرطوش ده الارتيلون و الفيبر ممكن يتخرط واحنا نعبيه بالبللى الصغير بتاع الخرطوش او حتى نسيح قصدير بالكاويه بتاعه لحام الالكترونيات والقصدير بطبعه لما تجيبه على سن الكاويه بيبقا شكله مستدير زى الكورة والفكرة فى مجملها مش مستحيل تنفيذها
ولكن الفكرة ازاى تنفذ باقل امكانيات وطبعا على اى هاى باور هيبقا مؤثر قوى فى مرى 15 متر
وتحياتى لحضرتك وشكرا على كلام حضرتك الجميل
ولو تقدر تفيدنا باى معلومه عن البلى الصغنن ده او اى حاجة كما عودتنا حضرتك من بنك معلوماتك ابقا قولنا ويبقا حضرتك عميت الفائدة على كل المخترعين من تلاميذك ومن ابناء المنتدى
وشكرا جزيلا يا استاذى العزيز على تشريف حضرتك

[kefafy]

المشاركة الأصلية كتبت بواسطة قناص الظلم

تسلم يابو حوده العفو ياراجل عبقرى ايه بس يموت المعلم ولا يتعلم - هانزل فلاش لانى اليوم نزلت وندوز جديد فالفيديو مابيتعرضش وباذن الله نكون عند حسن ظنك - فهمتك

حبيب قلبى واخى العزيز انا قلت كدة بردو وقلت هتفهمنى على طول
ربنا يوفقك فى تظبيط الجهاز يا حبيب قلبى
وتحياتى ليك