السلام عليكم
أرجو الرد من الأعضاء
معى
طبنجة حلوان 9 مم 51 خاصة باحد أقاربى ( جابها فى التسعينات ) الذى تنازل عنها لى كهدية لمناسبة البدء فى عملى
الطبنجة بحالتها و هو لم يستعملها نهائيا و كان يقوم بصيانتها على فترات و ضرب بها عدد 8 طلقات اجمالى منذ شرائها حتى اخذتها
بعد اخذى الطبنجة و تجربتها ملاحظ ما يلى :
1) الشاكوش مش بيرجع لمكانو تانى بعد ما اسحبو ... قصدى يرجع من غير ما أضرب
2) صعوبة شد الأجزاء ... صعبة جدا رغم انى فكتها و زيتها .. لو حصل و الأجزاء اتشدت اما السلاح يعمل صوت " نك " و ساعتها كانى عملت لوك للزناد ... او ان الأجزاء ترجع لورا خالص زى كأن السلاح مخلص ضرب الخزنة و لازم ساعتها ادوس على دراع الامان عشان يرجع
3) زرار الامان اللى فوق المقبض .. اذا كنت شادد الشاكوش و دوست على امان ثم شيلت الأمان بلاقى الشاكوش بيرجع .. و دة معناه لو فى طلقة فى لماسورة هتضرب !
انا فعلا مش عارف هى فيها مشكلة و لا اية ... يا ريت حد يجاوب عاجلا عشان الطبنجة دى هاخدها فى شغل و انا فى حتت مش امان فلو كدة اجيب واحدة تانية و خلاص
فى انتظار ردكم
مرفق صورة للطبنجة