خطوات استيراد سلاح من الخارج؟

[احمد عبد المرضى]

المشاركة الأصلية كتبت بواسطة Trigger

مفيش حد هنا بيكتب سؤال و عايز الرد فى 5 دقائق , الناس مش شغاله عندك يا استاذ احمد
و محدش مجبر يرد عليك و ياريت يكون فيه شوية صبر
المنتدى بكل فخر هو الاول مصريا فى السلاح الحى المرخص و ممكن حضرتك تبحث بره فى اى منتدى يعجبك
و احب اقول لك ان الاستيراد باجراءاته كلها ملهاش لزمة بدون واسطة اجمد بكتير من واسطة الرخصة
و لو حضرتك عايز تشترى سلاح مستورد من السوق المصرى بسعره بدون اذن استيراد يبقى حضرتك جاى تهزر
و خلى طريقتك احسن من كده شويتين تلاته حتلاقى ردود من الناس كلها

الى الاستاذ المحترم (Trigger) المشرف العام
انت ظلمتنى
1- لان لو حضرتك شوفت التوقيت كويس هى مش 5 دقائق انا طلبت تانى بعد يوم و 5 دقائق.
2- انا لم اجبر احد على الرد بل طلبت بكل عشم و حب من اعضاء فى المنتدى المفروض حسب القواعد اننا كلنا اصدقاء ان لم نكن وصلنا الى مرحلة الاخوة.
3-المنتدى لا يحتاج شهادة من مشرفه العام انه محترم لانه بالفعل منتدى محترم بدليل ان كل اعضائه من الناس المحترمين.
4- ام يا ستاذى المحترم بخصوص الواسطة فانا غير موافق على كلامك انا مثلا حصلت على الرخصة بدون اى واسطة (اما من يبحث عن واسطه فهذا شخص ليس عنده ثقة بنفسه او عنده اسباب لا تؤهله للحصول على رخصة لذلك يبحث عن شخص يدعم موقفه)
5- انا مش بهزر انا نفسى اشترى سلاح مستورد من مصر بس هل ينفع اشتريه من مصر 3 او 4 اضعاف تكلفته الكلية لحد ما يوصل مصر؟
6- انا كانت طريقتى فى الطلب كويسه و ليس فيها اى خروج او اعتلا او تعجل على اى احد من الاخوة الاعضاء المحترمين.
و شكرا لحضرتك

[أشرف صبرى]

المشاركة الأصلية كتبت بواسطة احمد عبد المرضى

الى الاستاذ المحترم (trigger) المشرف العام
انت ظلمتنى
1- لان لو حضرتك شوفت التوقيت كويس هى مش 5 دقائق انا طلبت تانى بعد يوم و 5 دقائق.
2- انا لم اجبر احد على الرد بل طلبت بكل عشم و حب من اعضاء فى المنتدى المفروض حسب القواعد اننا كلنا اصدقاء ان لم نكن وصلنا الى مرحلة الاخوة.
3-المنتدى لا يحتاج شهادة من مشرفه العام انه محترم لانه بالفعل منتدى محترم بدليل ان كل اعضائه من الناس المحترمين.
4- ام يا ستاذى المحترم بخصوص الواسطة فانا غير موافق على كلامك انا مثلا حصلت على الرخصة بدون اى واسطة (اما من يبحث عن واسطه فهذا شخص ليس عنده ثقة بنفسه او عنده اسباب لا تؤهله للحصول على رخصة لذلك يبحث عن شخص يدعم موقفه)
5- انا مش بهزر انا نفسى اشترى سلاح مستورد من مصر بس هل ينفع اشتريه من مصر 3 او 4 اضعاف تكلفته الكلية لحد ما يوصل مصر؟
6- انا كانت طريقتى فى الطلب كويسه و ليس فيها اى خروج او اعتلا او تعجل على اى احد من الاخوة الاعضاء المحترمين.
و شكرا لحضرتك

الاستاذ المحترم أحمد بك عبد المرضى...
مرحباً بيك فى أسرتك.....
انا معاك ف كل كلامك....
بس يوم مش كفايه للرد على استفساراتك....خللى بالك الاعضاء وقت دخولهم مش واحد لأن كل واحد ليه وظيفه و حياه مختلفه.....
شهادتك بإحترام المنتدى و احترام الاعضاء فخر لينا....ربنا يجعلنا عند حسن ظنك.....
موضوع الواسطه ده انا مش معاك فيه خالص.....و خصوصاً الموافقه الاستيراديه....
انا سعيد بإنضمامك لينا و ياريت دايماً تنقل لنا خبرتك بعد الشراء او الاستيراد علشان نستفاد منك......

[Trigger]

المشاركة الأصلية كتبت بواسطة احمد عبد المرضى

الى الاستاذ المحترم (trigger) المشرف العام
انت ظلمتنى
1- لان لو حضرتك شوفت التوقيت كويس هى مش 5 دقائق انا طلبت تانى بعد يوم و 5 دقائق.

ال5 دقائق دى كناية عن عدم الصبر مش فرق التوقيت الى حضرتك تقصده

2- انا لم اجبر احد على الرد بل طلبت بكل عشم و حب من اعضاء فى المنتدى المفروض حسب القواعد اننا كلنا اصدقاء ان لم نكن وصلنا الى مرحلة الاخوة.

اسلوب كلامك دلوقتى مختلف تماما عن الطريقة السابقة يا استاذ احمد ساعة ما كنت بتقول انا حبحث فى منتديات اخرى و كلام من ده

3-المنتدى لا يحتاج شهادة من مشرفه العام انه محترم لانه بالفعل منتدى محترم بدليل ان كل اعضائه من الناس المحترمين.

انا لا اشهد بذلك و لكن اذكرك به فقط و المنتدى معبر عن نفسه دون التأكيد من أحد

4- ام يا ستاذى المحترم بخصوص الواسطة فانا غير موافق على كلامك انا مثلا حصلت على الرخصة بدون اى واسطة (اما من يبحث عن واسطه فهذا شخص ليس عنده ثقة بنفسه او عنده اسباب لا تؤهله للحصول على رخصة لذلك يبحث عن شخص يدعم موقفه)

حضرتك موافق او غير موافق .. للاسف هو ده الواقع و الناس الى استوردوا و الى مقدمين من زمان ممكن يأكدولك بنفسهم

5- انا مش بهزر انا نفسى اشترى سلاح مستورد من مصر بس هل ينفع اشتريه من مصر 3 او 4 اضعاف تكلفته الكلية لحد ما يوصل مصر؟

للاسف هو ده السوق فى مصر الى الحلوان فيه ب 36 الف جنيه

6- انا كانت طريقتى فى الطلب كويسه و ليس فيها اى خروج او اعتلا او تعجل على اى احد من الاخوة الاعضاء المحترمين.

و انا برضوا طريقتى فى الكلام مفهاش اى خروج النص و كانت كويسه جدا جدا

و شكرا لحضرتك

الرد مكتوب باللون الاحمر
شكرا لسعة صدرك

[bodygard 34]

الموضوع واخد اكبر من حجمه ..مش قصدى موضوع الاستيراد ..الدكتور احمد اكيد جالنا هنا عشان سمع عن المنتدى كل خير ..واكيد اكيد انه عارف ان الناس هنا بتدخل لما بتفضى وتخلص شغلها ..فهو قدر ان 24 ساعه كافيه تماما ان حد من الاعضاء بكون دخل وقرأ الموضوع ويرد عليه ..فلما مرت ال 24 ساعه دون رد تخيل ان سؤاله اهمل من الناس ..جايز يكون ناس كتير دخلت وقرت بس ماعندهاش اجابه فمردتش وده افضل عشان ماحدش يفتى ..ده تصورى للموضوع .. لى تعليق صغير اسمحوا لى بيه .. الغريب اعمى ولو كان بصير

[Amr Moussa]

انا جيت فى ايه يا اكابر

[Amr Moussa]

ناخدها واحده واحده
واهم حاجه فى الكلام ده كله الواسطه وليا رد صغير يا استاذ عبد المرضى ربنا يعافينا ويعافيك
اذا كنت اخدت الرخصه من غير واسطه اذا حدثنى عن اب يبحث عن واسطه لادخال ابنه ابن الثلاثه اعوام ليعالج فى مستشفى السرطان 57357 والرد كان كالتالى روح بيه معهد الاورام وعلى فكره انا ظللت اتردد على معهد الاورام لمده عامان تحت اقدام امى انا مات هذا الطفل
وللاسف كلام سيادتك ذكرنى بالموقف فبكيت لاننى تمنيت فى حينها ان اموت انا ويحيا الطفل الذى من حكم ترددى مع امى وتردد الطفل مع ابيه اصبح صديقى لاننى كنت الشخص الوحيد الذى لا يخاف من دخول غرفه الكيماوى والاشعاع لاننى لا اهاب الموت ولا اخافه فاصبح صديقى لدرجه اننى كنت اترك امى حتى ينام هذا الطفل على يدى وهوا يتلقى العلاج فلا تحدثنى عن الشرف فى بلد غير شريف

[Amr Moussa]

السيد اللواء اركان حرب /
امين عام وزارة الدفاع
تحية طيبة و بعد
مقدمه لسيادتكم : الاسم و الوظيفة

حيث ان اجراءات استيراد سلاح من الخارج تستلزم الحصول علي موافقة الامانة العامة للقوات المسلحة لذا ارجو من السيدتكم التكرم بالموافقة لي علي استيراد مسدس (لا تحدد نوعية معينة و الال لن تستطيع ان تستورد غيرها ) من الخارج لغرض الدفاع

و تقبلو سيادتكم بقبول فائق التحية و الاحترام

مقدمه لسيادتكم : الاسم و الوظيفة



***** يرسل الطلب مصحوب بصورة من تصريح الشراء و يكون ساري
الي العنوان التالي

الامانة العامة للقوات المسلحة
شارع الخليفة المامون بجوار مسجد الزعيم جمال عبد الناصر كوبري القبة - القاهرة

يرسل بالبريد المستعجل او المصحوب بعلم الوصول



او تحاول ان تقدم الطلب باليد في مقر الامانة العامة
يفضل بالبريد لانهم بيستلموه علي سركي خاص و ارشيف و سجل و ارقام .......الخ

الامانة العامة للقوات المسلحة لن ترد عليك شخصيا
و لكنها ترسل الموافقات كل فترة في كشف الي مصلحة الامن العام بالقاهرة (قسم الرخص الدور الثالث )

و حضرتك بعد شهرين علي الاقل تروح بنفسك تسال عنها و تكون حافظ تاريخ ارسال طلبك

[Amr Moussa]

وبعد ما تجيلك الموافقه فى كلام تانى وترجمه ومورد وتحويل وتاجر وشحن وضرايب وجمارك وموافقه امنيه ومعمل جنائى وساعتها نشرحها لسعادتك

[احمد عبد المرضى]

الله يرحمه ويحسن اليه ان شاء الله فى الجنه مع الصديقين والابرار و الله ينتقم من هذة الحفنة من البشر التى تستمتع و تستلذ بانها تذل الناس و لو كان فى المرض و ربنا يعافينا احنا وانتم والسامعين جميعا اللهم امين يا رب العالمين.
انا نفسى اقول كلام كتير جدا بس الموقف ال الاستاذ عمرو حكاه و الله خلانى ..... لاننا كلنا عندنا اولاد. و لكن لحد امتا هيستمر الحال على كدة.
هل دى قصور فينا احنا لاننا مش عرفين حقوقنا فابالتالى مثل هذى الحفنة من الناس بتتحكم فينا تحت مبدا ان دول شويه جهله فيعطونا انطباع انهما اعلى منا بكتير فبالتالى علشان نخد اى حق من حقوقنا منهم نضطر الى الوساطة حتى نتقرب منهم.
مش عارف ليه بيعملوا كدة فينا......................

[ايهاب رشدى]

حاليا التكلفه تصل الى 50 الف تقريبا بعد ارتفاع الدولار و اسعار البيع لا تمثل 4 او 5 اضعاف و موجود على المنتدى ب 90 الف وموجود ب 85 وموجود ب100 فهو واقعيا زياده عن تكلفته ب 65% الى 100% الموضوع بسيط جدا عاوز تشترى موجود بكره الصبح حضرتك اتصل و تبدأ اجراءات التنازل لصالح حضرتك عاوز موافقه بالاستيراد بكره الصبح اكتب طلب وارفق به صور المستندات المطلوبه وتوجه الى البريد وارسله مسجل الى الامانه العامه لوزاره الدفاع مافيش ابسط من كده