أستاذى العزيز أهلا بيك أولا.
في الكرال...أولا خد بالك من مجموعة المخدات الفايبر.
واحدة علي يسار ذراع التعمير أسطوانية - وواحدة أسفلة علي شكل مربع ناقص ضلع.
حتلاقيهم غير مثبتين وتركيبهم مهم جدا علشان الكانون ميتجرحش.
علشان تطلع السوستة وذراع التعمير لازم تشيل مجموعة الزناد أولا.
لكن كن حذرا لأن مجموعة الزناد لها تيلة معدنية طويلة تثبت الزناد من الخلف مع بنز معدني من الأمام. وممكن تنكسر بسهولة.
يعني متتعافاش عليه علشان متبوظش المجموعة.
لازم تستخدم مفك رفيع أو (زنبك) علشان تلم التيلة الحديد الأول وبعدين تشد مجموعة الزناد للخلف عكس إتجاه البنز الأمامي حتلاقي الزناد خرج بسهولة.
وزي ما الجنرال قال الفك عكس التركيب.
ودي صورة ممكن توضح الأجزاء الداخلية