العودة   منتدى صيادين مصر > الصيد وانواعه والرحلات > الصيد البحري والنهري
 

 
 
إضافة رد
 
أدوات الموضوع انواع عرض الموضوع
 
قديم منذ /11-29-2013, 09:52 PM   #1

محمد كمال المحامي
مدير المنتدى
 
الصورة الرمزية محمد كمال المحامي

محمد كمال المحامي غير متواجد حالياً

 رقم العضوية : 1
 تاريخ التسجيل : Jan 2012
 العمر : 50
 المشاركات : 2,680
 النقاط : محمد كمال المحامي تم تعطيل التقييم
 تقييم المستوى : 14
 قوة التقييم : 15

Thanks: 903
Thanked 1,721 Times in 1,150 Posts
افتراضي مصطلحات صيادين السماك ( مصطلحات متعارف عليها على مركب الصيد و على الشاطئ )

 


اليوم هنتعرض لبعض المصطلحات الهامة التى يتم استخدامها من قبل الصيادين و طاقم المركب و ممكن تكون موجودة ببعض الكتابات و يصعب على الناس الذين ليس لهم خبرة بالصيد فهمها و يا ريت لو فى حد عندو كلمات اخرى يضفها و سيتم اضافتها باسمه و نتفاعل جميعا مع بعض لتعم الافادة

سن او جلب : و هو المسؤل عن صيد السمكة فى الماء و عادتا بيكون من المعادن غير قابلة للصدء ( الانواع النضيفة ) و انواعة كتير و اشكالة مختلفة و فى نوعين من المقاسات من الصغير للكبير
المقاس الاول 01 الى 012 Henawy Fishing Trips

و المقاس الثانى من 12 الى 1
بكل اختصار عكس بعض من حيث الترتيب
سن بكرش : يعنى بيكون المسافة بين الطرف الحاد للسن و مكان ربط السن مقعر بشكل يشبة الكرش
سن كفتة : بيكون المسافة بين الطرف الحاد للسن و مكان ربط الخيط مسافة صغيرة ( سيتم عرض صور )

Henawy Fishing Trips
سن ب 2 راجع : يقصد بة وجود شفرتين بعد مكان ربط السن لتثبيت الطعوم بشكل اقوى على السن
سن ملوى : يكون الطرف الحاد بالسن ملوى بزاوية عن هيكل السن ككل و هذا يساعد على سهولة دخوله فى فم السمكة و تثبيته بشكل قوى

( السمكة تذوق الطعم و تدخله تقريبا كله فى فمها ثم تقوم بقذفة خارج الفم بطريقة البخ و فى حالة السن الملوى يمسك فى فم السمكة اثناء بخ الطعم خارج فمها )

( انا شخصيا افضل السن الملوى 2 راجع بحلقة )

سن بحلقة : يكون مكان الربط للسن يوجد بة حلقة و هو يستخدم فى حالة الوير ( سلك معدنى مغطى بطبقة من البلاستك و يكون قوى جدا يستخدم للاسماك ذات الاسنان الحادة القاطعة)
Henawy Fishing Trips
----------------------------------------------------------------------------

الترميل : و هو ربط الخيط بالسن او الجلب
و يوجد اشكال عديدة للترميل و تسميات كثيرة و سيتم عرضها لاحقا بالتفصيل و عادتا الرمال او الترميل بيكون خيط اقل من الخيط الاساسى فى التخانة او السمك و السبب فى ذلك
ان يكون نقطة ضعف حيث لو حصل شبك فى شعبة مائية لا يتم قطع الخيط الاساسى و فقدان كمية من الخيط الاساسى الموجود على ماكنة الصيد و بذلك يتم قطع السن الشابك و الحفاظ على باقى الاسنان
https://www.facebook.com/pages/Henawy-Fishing-Trips/117519674959782
-----------------------------------------------------------------------------
الوش - الاورمة : الخيط الاساسى الخارج من مكنة الصيد يتم تركيب مشبك ( و هو قطعة معدنية تقفل و تفتح بطريقة المشبك و تكون على رمان بلى فى حالة الانواع الجيدة جداااا لتسهل حركة الدوران للوش او الاورمة او يكون من الانواع العادية و يكون حر الحركة بحيث يسمح بدوران الوش بحرية )

يكون الوش او الارمة هو خيط منفصل عن الخيط الاساسى و يوصل بة السنون التى تم ترميلها بمسافات متساوية و يوضع فى نهايته الرصاص او الثقل ( و وزن الثقل يحدد حسب حالة المد و العمق )
https://www.facebook.com/pages/Henawy-Fishing-Trips/117519674959782
-----------------------------------------------------------------------------
الوعر - الشبك: شبك الوش او الاورمة بالشعاب المرجانية و هذا شئ وارد جداا و السبب ان السمك يسكن الشعاب المرجانية فيجب على الريس ان يكون بجوارها او على طرف الشعبة حتى تخرج الاسماك للاكل .
-----------------------------------------------------------------------------
الوجلة : و هى الاداه المستخدمة فى اخارج السمكة من الماء و عادتا تكون سن كبير حاد مصنوع من مادة الصلب و بيد طولها تقريبا من متر الى متر و نصف و نقول هات الوجلة يا ريس و اوجل السمكة هههههههههههه و يستخدم فى حالة السمك الكبير محدش ينادى الريس بالوجلة على سمكة كفافى ههههههههههههه( سمكة بحجم كف اليد)
https://www.facebook.com/pages/Henawy-Fishing-Trips/117519674959782
----------------------------------------------------------------------------
اللنسة - الحداف : و هى بكرة تحتوى على خيط و يتم الصيد بها عن طريق اليد بدون مكنة صيد .

----------------------------------------------------------------------------
ركوب شعبه : يعنى حصل خطئ من الريس و طلع فوق الشعب المرجانية ( اللهم احفظنا )
https://www.facebook.com/pages/Henawy-Fishing-Trips/117519674959782
-----------------------------------------------------------------------------
الكنة- المشال: المكان الذى تكن فية المركب لفترة غالبا ما يكون خالى من الرياح والامواج و بعيدا عن ممر ملاحى للمراكب الاخرى و يكون فى ظهر شعبة بحيث يقلل من قوة الامواج .
-----------------------------------------------------------------------------
التصبية : وهى جعل المركب حر بدون ربط البروسى و يكون الماتور دائر دون حراك و يستخدم فى حالة صيد الجكنج و البوبينج و التسقيط حيث ان يكون فرصة الصيد كبيرة لمرور المركب على عدة اماكن و يحرك المركب فى هذة الحالة المد و الهواء.
-----------------------------------------------------------------------------
ريمة : و هى الرغاوى الناتجة من ماتور المركب اثناء التحرك
-----------------------------------------------------------------------------
التزفير : يتم وضع بعض من الاسماك او بواقى الاسماك فى كيس من البلاستك او القماش ذات الثقوب و يوضع فى احد جوانب المركب لجمع السمك من خلال رائحة الزفارة ( بلاميطة - سردين - وزفة - قملة - باغة)
-----------------------------------------------------------------------------
السنجفة : و هى عملية اخلاء للسمك المستخدم للطعوم من الراس و العمود الفقرى ليتبقى الجلد و اللحم ليستخدم كقطع .
-----------------------------------------------------------------------------
https://www.facebook.com/pages/Henawy-Fishing-Trips/117519674959782
السلاكة : هى قطعة قد تكون بلاستيكية أو معدنية و لها عدة أشكال مثل المفك أو قلم مشقوق من الطرفين أو مسدس كمسدس الولاعة بتاع المطابخ

ووظيفتها تخليص السن العميق من داخل فم السمكة
-----------------------------------------------------------------------------
عصفورة المكنة - البلبلة: هي فرامل المكنة التي تسمح للسمكة بسحب الخيط و الجري
----------------------------------------------------------------------------
بنسة : أداة معدنية لها فم مدبب يشبه التمساح تستخدم لتخليص السن و شد الخيط بعد ريطه و التعامل مع الأسماك الخطيرة
https://www.facebook.com/pages/Henawy-Fishing-Trips/117519674959782
----------------------------------------------------------------------------
كليبس : جزء معدنى إسطوانى صغير مجوف يستخدم لربط الواير

الواير :سلك معدنى مجدول مغطى بصبقة عازلة مخصص وملائم لظروف البيئة البحرية و يستخدم للأسماك ذات الأسنان
-----------------------------------------------------------------------------
العلفة : و هى عبارة عن سندويتش من الطعوم المختلفة يتم و ضعها على السن يعنى 3 انواع طعوم او 4 و يسمى علفة او ساندويتش .
-----------------------------------------------------------------------------
خية : و هى عمل عقدة ثنائية بالخيط حتى يتم تركيب المشبك بها
-----------------------------------------------------------------------------
رابلة - لبارة : السمكة الصناعية وتكون مصنوعة من مواد بلاستكية و متصل بها هلبين لصيد السمكة ( البارة لصيد الكلمارى )
https://www.facebook.com/pages/Henawy-Fishing-Trips/117519674959782
----------------------------------------------------------------------------
بورد - شبشب: و هو يستخدم فى اسلوب الصيد بالجر حيث انه يغطس الى اعماق مختلفة حسب المقاس و يوصل بة المعلقة ( اداة للصيد معدنية اما فضية او ذهبية اللون بها سن و ريشة )
----------------------------------------------------------------------------
الجيكنج : نوع من انواع الصيد وهو يعتمد على استفزاز السمكة بطعوم صناعية
----------------------------------------------------------------------------
https://www.facebook.com/pages/Henawy-Fishing-Trips/117519674959782
الجيكاية : طعم صناعى يستخدم فى طريقة الصيد الجيكنج
-----------------------------------------------------------------------------الجر : استخدام سمكة صناية ( الرابلة ) على عود و مكنة مخصصة لتجر السمكة خلف المركب اثناء سيره بسرعة مخصصة .
-----------------------------------------------------------------------------
التسقيط : وهو استخدام المكنة و العود و مركب بهم الاورمة او الوش و تنزيلها اسفل المركب مباشرتا للصيد.
-----------------------------------------------------------------------------


منقول



المصدر Henawy Fishing Trips









توقيع محمد كمال المحامي :

لو عايز حسنات ادخل هنا
http://www.quraaan.com/


لا للصيد الجائر .... لا لتدمير البيئة





  رد مع اقتباس
The Following User Says Thank You to محمد كمال المحامي For This Useful Post:
Trigger (11-30-2013)
 
قديم منذ /11-30-2013, 12:37 AM   #2

bodygard 34
مشرف قسم الصيد البحري والنهري
 
الصورة الرمزية bodygard 34

bodygard 34 غير متواجد حالياً

 رقم العضوية : 196
 تاريخ التسجيل : Feb 2012
 المكان : الزقازيق
 المشاركات : 1,518
 النقاط : bodygard 34 is on a distinguished road
 تقييم المستوى : 15
 قوة التقييم : 14

Thanks: 1,046
Thanked 2,114 Times in 1,081 Posts
افتراضي رد: مصطلحات صيادين السماك ( مصطلحات متعارف عليها على مركب الصيد و على الشاطئ )

 

لذيذ..خد عندك : بتنقر ..يعنى السمكه بتاكل على خفيف مابتبلعش ..........علفه حيه ..يعنى سمكه لسه طالعه من الميه نشبكها من ديلها وهى حيه عشان تجيب براكوده او قرش او دراك ..بين الميتين ..يعنى ماتنزلش الوش بتاعك على القاع ..تعلى حوالى تلت المسافه ..توشيح ..يعنى تعلق طعم كبير فى سن كبير وماتحطش معاه تقل رصاص وده للأحجام الكبيره..

مد حامى
..يعنى تيار ميه شديد يتطلب وضع تقل رصاص كبير ..مشففه ..يعنى السن يادوبك شبك فى شفة السمكه وتبقى محظوظ لو طلعت معاك ..لطش ..يعنى السن شبك فى السمكه من بره بقها ..


  رد مع اقتباس
The Following 2 Users Say Thank You to bodygard 34 For This Useful Post:
محمد كمال المحامي (11-30-2013), Trigger (11-30-2013)
 
قديم منذ /11-30-2013, 04:37 PM   #3

Trigger
المشرف العام

Trigger غير متواجد حالياً

 رقم العضوية : 197
 تاريخ التسجيل : Feb 2012
 المكان : THUNDERBOLT
 المشاركات : 2,574
 النقاط : Trigger will become famous soon enough
 تقييم المستوى : 50
 قوة التقييم : 15

Thanks: 2,487
Thanked 2,548 Times in 1,555 Posts
افتراضي رد: مصطلحات صيادين السماك ( مصطلحات متعارف عليها على مركب الصيد و على الشاطئ )

 

موضوع مهم جدااااااااااااااااااااااااااااااااااااااااااااا


  رد مع اقتباس
 
قديم منذ /11-30-2013, 06:21 PM   #4

Amr Moussa
مشرف قسمي السيارات وسوق السيارات
 
الصورة الرمزية Amr Moussa

Amr Moussa غير متواجد حالياً

 رقم العضوية : 1539
 تاريخ التسجيل : Dec 2012
 المكان : القاهره
 المشاركات : 1,389
 النقاط : Amr Moussa is on a distinguished road
 تقييم المستوى : 26
 قوة التقييم : 13

Thanks: 916
Thanked 1,160 Times in 742 Posts
افتراضي رد: مصطلحات صيادين السماك ( مصطلحات متعارف عليها على مركب الصيد و على الشاطئ )

 

ولا كانى سمعت حاجه متعلمونا بقى يا جودعان


توقيع Amr Moussa :














۞۩๑ وَقــُل رَّبِّ ارْحَمْهُــمَا كَــمَا رَبَّيَانِـي صَغــيرًا ๑۩۞۩๑

  رد مع اقتباس
 
قديم منذ /12-01-2013, 12:16 AM   #5

bodygard 34
مشرف قسم الصيد البحري والنهري
 
الصورة الرمزية bodygard 34

bodygard 34 غير متواجد حالياً

 رقم العضوية : 196
 تاريخ التسجيل : Feb 2012
 المكان : الزقازيق
 المشاركات : 1,518
 النقاط : bodygard 34 is on a distinguished road
 تقييم المستوى : 15
 قوة التقييم : 14

Thanks: 1,046
Thanked 2,114 Times in 1,081 Posts
افتراضي رد: مصطلحات صيادين السماك ( مصطلحات متعارف عليها على مركب الصيد و على الشاطئ )

 

اقتباس:
المشاركة الأصلية كتبت بواسطة amr moussa مشاهدة المشاركة
ولا كانى سمعت حاجه متعلمونا بقى يا جودعان
بص بقى يا عمور ..ابو كمال مافيش شهر بيعدى الا لما يكون له طلعه ..اشبط فيه عشان ياخدك معاه


  رد مع اقتباس
 
قديم منذ /12-01-2013, 04:18 PM   #6

Amr Moussa
مشرف قسمي السيارات وسوق السيارات
 
الصورة الرمزية Amr Moussa

Amr Moussa غير متواجد حالياً

 رقم العضوية : 1539
 تاريخ التسجيل : Dec 2012
 المكان : القاهره
 المشاركات : 1,389
 النقاط : Amr Moussa is on a distinguished road
 تقييم المستوى : 26
 قوة التقييم : 13

Thanks: 916
Thanked 1,160 Times in 742 Posts
افتراضي رد: مصطلحات صيادين السماك ( مصطلحات متعارف عليها على مركب الصيد و على الشاطئ )

 

اقتباس:
المشاركة الأصلية كتبت بواسطة bodygard 34 مشاهدة المشاركة
بص بقى يا عمور ..ابو كمال مافيش شهر بيعدى الا لما يكون له طلعه ..اشبط فيه عشان ياخدك معاه

مهو مبيرضاش يا حاج


توقيع Amr Moussa :














۞۩๑ وَقــُل رَّبِّ ارْحَمْهُــمَا كَــمَا رَبَّيَانِـي صَغــيرًا ๑۩۞۩๑

  رد مع اقتباس
 
قديم منذ /12-01-2013, 08:11 PM   #7

محمد كمال المحامي
مدير المنتدى
 
الصورة الرمزية محمد كمال المحامي

محمد كمال المحامي غير متواجد حالياً

 رقم العضوية : 1
 تاريخ التسجيل : Jan 2012
 العمر : 50
 المشاركات : 2,680
 النقاط : محمد كمال المحامي تم تعطيل التقييم
 تقييم المستوى : 14
 قوة التقييم : 15

Thanks: 903
Thanked 1,721 Times in 1,150 Posts
افتراضي رد: مصطلحات صيادين السماك ( مصطلحات متعارف عليها على مركب الصيد و على الشاطئ )

 

يا كبير تابع معايا

دا انت حبيبي وانت عارف

المشكلة ان كل فريق بيكون من منطقة واول ما نقول كلمة طلعة

قبل ما توصل لأخر الكلمة بتكون اتحجزت

مطلوب متابعة وانا تحت امرك



توقيع محمد كمال المحامي :

لو عايز حسنات ادخل هنا
http://www.quraaan.com/


لا للصيد الجائر .... لا لتدمير البيئة





  رد مع اقتباس
إضافة رد

الكلمات الدلالية (Tags)
متعارف, مركب, مصطلحات, السماك, الشاطئ, السيج, صيادين, علينا

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:45 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi



أقسام المنتدى

الأقــســـام الــعـــامــة @ الصيد العام @ قسم الأسلحة @ أسلحة ضغط الهواء @ السلاح الحي والخرطوش @ أسلحة الصوت ( محدثات الصوت ) @ الورشه والصيانه @ الصيد وانواعه والرحلات @ رحلات الصيد بالصور @ الصيد البري @ المطبخ @ قسم السوق @ بيع وشراء الاسلحه الهوائيه و مستلزماتها @ بيع وشراء مسدسات الصوت ومستلزماتها ( محدثات الصوت ) @ السوق العام @ الإدارة @ استراحة الصيادين والهواة @ العياده @ الصيد البحري والنهري @ بيع وشراء ادوات صيد السمك @ مجلة صيادين مصر @ حيوانات و طيور الصيد @ منتدي السيارات @ شخصية العدد @ تاريخ الصيد والرمايه والاسلحه @ منتدى هواة تربية الطيور والأسماك والحيوانات الأليفة @ قسم هواة الحمام واليمام @ قسم هواة الصقور والطيور البرية @ قسم هواة الببغاوات وطيور الزينه @ قسم هواة اسماك المياه العذبة @ قسم هواة اسماك المياه المالحة @ قسم هواة الكلاب @ قسم هواة القطط @ مقترحات تطوير المنتدى @ المحذوفات والموضوعات المكررة @ منتدى هواة تربية الطيور والاسماك والحيوانات الأليفة @ سوق سيارات منتدى صيادين مصر @ بيع وشراء السلاح الحي و بنادق الخرطوش المرخصة @ الاعلان عن رحلات الصيد البحري وطلعات الصيد البري @