حد يعرف ده ايه؟؟
 

الطيرده قعد عندى حوالى 6 شهور بعد ماخدته من واحد جارى كان جاى له هديه من احد البدو فى سيناء وكان حايموت عنده عشان ماكانش عارف يتعامل معاه وكان فى منتهى الشراسه وبفضل الله اخدته وعالجته بالراحه واكلته مظبوط وحطيته فى اوضه كبيره فوق السطح وبقت العلاقه بينى وبينه جميله وكان بيسمع كلامى واول مادخل له لازم ييجى يقف على كتفى .. وكان بياكل من ايدى وبيقف على كتفى او على كف ايدى بدون اى مشاكل وبدون ما ألبس جوانتى على الرغم من ان مخالبه كانت كبيره زى المسامير بس لما جيت اسافر للحج خفت عليه لأنه ماكانش بياكل الا من ايدى انا..المهم اضطريت اطيره ولأنه ماكانش بينطلق خالص تاه عن المكان طبعا.. ولحد دلوقت ماعرفتش نوعه ايه..على فكره الصور دى اول ماجبته بس هو كبر شويه عندى وكانت اجنحته مفروده طولها يقترب من ال 2 متر

رد: حد يعرف ده ايه؟؟
 

بسم الله مشاء الله والله اكبر ولا حول ولا قوه الا بالله
الله ايه ده ياحج ؟
ده عقاب ولا حدايه ولا نسر ولا صقر ولا ايه ؟
ونبى ياحج امانه عليك لو باض ابقى اركن لى زغلوله

رد: حد يعرف ده ايه؟؟
 

لا خلاص يابو محمود طيرته.. والله ماكان عاوز يطير بس انا خفت عليه مش حاياكل من ايد حد تانى.. قعدت يومين اشجعه على الطيران وهو ماكانش عاوز يسيب كتفى

رد: حد يعرف ده ايه؟؟
 

يلا ربنا يسهله طريقه ويجازى حضرتك الف خير وتاخد ثوابه انشاء الله

رد: حد يعرف ده ايه؟؟
 

اعتقد انه الشاهين
http://moshax.com/classifieds/screens/IMG_6438.JPG

رد: حد يعرف ده ايه؟؟
 

لا لا الشاهين اصغر من كده ويطلق على سلالته بالانجليزىshort wings لقصر اجنحتهاللى بتتيح له سرعة مناوره غير عاديه زى الطياره المقاتله..لكن ده اجنحته كانت كبيره قوى..اعتقد انه كان من احدى سلالات العقبان

رد: حد يعرف ده ايه؟؟
 

رد: حد يعرف ده ايه؟؟
 

وشه و منقاره بيقول انه نسر و الله اعلى و اعلم

رد: حد يعرف ده ايه؟؟
 

اسمح لى افرد عليك شويه يا جنرال..حبه من نفسى يعنى..بص يا سيدى النسور اللى موجوده فى العالم دلوقت من اكلات الجيف(اسمها نسور العالم القديم)) زى النسر الافريقى الاقرع ونوع نادر على وشك الانقراض موجود اعداد ضئيله منه فى مصر واسمه (الرخمه المصريه) وكل الجوارح الاخرى اللى موجوده فى العالم دلوقت على حسب ماقريت اما صقور زى الشاهين والباز والوكرى او عقبان او سلاله وسيطه بينهم وده بما فيهم النسر الامريكى ذو الرأس الابيض واللى موجود فى العلم الامريكى او حتى النسر الذهبىgolden eagle دول كلهم عقبان ويشتركوا فى انهم بيصطادوا فرائسهم بنفسهم ولا يأكلوا الجيف وكذلك الحدايات عدا الحدأه الحمراء اللى كانت منتشره فى مصر زمان لو تذكر ..اما اللى كان عندى ده فأعتقد انه من السلالات الوسيطه حجم جسمه مش كبير بس اكبر من الصقر واجنحته كبيره قوى وهو كان صياد لأنى جبت له مره يمامه والله انا ماعرف اشفيها زى ماهو شفاها لو فى ايدى شوكه وسكينه ..

رد: حد يعرف ده ايه؟؟
 

عشان كده قلت وشه بس , عشان جسمه صغير على نسر

عموما ادينى عرفت ان حبيبى الحاج محمد خبير دولى فى الطيور و فى صيد السمك :)

كلنا بنكمل بعض .. مفيش حد كامل