منتدى صيادين مصر

منتدى صيادين مصر (https://www.egyhunters.com/index.php)
-   قسم هواة الكلاب (https://www.egyhunters.com/forumdisplay.php?f=43)
-   -   الكلب المصرى (https://www.egyhunters.com/showthread.php?t=805)

قناص الظلم 04-10-2012 01:25 PM

الكلب المصرى
 
للاسف فان اى شىء مصرى قد نسيناه او كرهناه :) ولكن كلمه حبيبنا الجنرال البلدى بلدى ;)دى حاططها فى دماغى دائما ولذلك قررت اجيب معلومات عن الكلاب المصريه البلدى اللى احنا بنحدفها بالطوب والدبش وبنئذيها دائما لكن لو كلب لولو او رومى او بلاك جاك والماركات الهاى دى بنحسس عليها بالراحه - البلدى يوكل يابلدى;)
كانت الكلاب من قديم الازل تقريبا في (4000-4500 ق.م)مستانثه لدى المصريين
.قدس المصريين القدماء الكلاب ,بل اعتبروها اله(Anubis) وكانو يحنطوا الكلاب بعد موتها وتم ايجاد اطواق في رقبة الكلاب المحنطه
واستخدم المصريين كلمة (iwiw) كأمر انبح مع الكلب
وكانوا يسمون كلابهم باسماء الوان والارقام والاتجاهات
http://touregypt.net/featurestories/dogsgroup.jpg
دي هي اهم الانواع الكلاب المصريه وطبعا كلها كلاب صيد وحراسه مش toydog
.الكلاب المصريه كان بيستخدمها المصريين لصيد الاسود
http://touregypt.net/featurestories/dog10.jpg
ولصيد النعام والطيور
http://touregypt.net/featurestories/dog11.jpg
و جنود في الحروب
http://touregypt.net/featurestories/dog14.jpg
و طبعا لحراسة الأراضي
http://touregypt.net/featurestories/dog8.jpg
و الرعي
http://touregypt.net/featurestories/dog4.jpg
1.خلينا نبدا بالpharaoh dog
بيتقال عليه الكلب الفرعوني لانه يشبه Anubis
المواصفات العامه:
الذكر: Height: 23-25 inches, Weight: 45-55 pounds
الانثى: Height: 21-24 inches, Weight: 45-55 pounds
الوظيفه الرئيسيه: صيد الارانب
اللون: red or tan ويمكن ان يكون طرف الذيل والصدر ابيض فقط وليس في مناطق اخرى من الجسم
الجسم:متوسط الحجم وعضلي ,الاذان تعبر عن قوة انتباهه
متوسط العمر:11 – 14
نبذه:

ّ الكلب الفرعوني بالكاد ما زال موجود باعداد قليله جدا في مصر القديمة, يتمتع بسرعه عاليه جدا وحاسة شم وسمع قويه جدا جدا لانه كان يتخدم في صيد الارانب واستخدمه التُجّار المصريينِ في رحلاتهم وهو كلب غير مسجل لان لم يدخل اي مسابقه دوليه ولم يتم التعرف على صفاته جيدا
واسيبكم مع الصور
http://touregypt.net/featurestories/dog19.jpg
http://touregypt.net/featurestories/dog20.jpg
http://www.5stardog.com/gallery/imag...558295552L.JPG
.2.Basenji
و ده كلب مهم جدا جدا ومعظم الكلاب اللي في مصر(البلدي) تنتمي ليه مع بعض التعديلات
http://www.breederretriever.com/phot...um/basenji.jpg
طبعا الكل قال دلوقتي انه الكلب اللي في الشارع اللي ورا البيت.

الكلب ده ليه اسماء كتيره, منها :
African Bush Dog
African Barkless Dog هام
Ango Angari
Avuvi
Congo Dog
Zande Dog
The Jumping Up And Down Dog

ندخل على المواصفات المثاليه:
الطول:من 40 __43 سم
الوزن:10___11 كحم
الوظائف الرئيسيه: الصيد,الرعي,جلب الاشياء
الوانه: (black, red, brindle, and tri (black and tan) وطبعا
في ابيض على اطرافه وصدره
الحجم:اقل من المتوسط بقليل وينتمي الى الكلاب المربعه الشكل
بمعى ان طوله وعرضه وارتفاعه متقاربه جدا
متوسط العمر:من 9--13
نبذه: هو كلب افريقي الاصل طبعا وموجود في كثير من المناطق .
الكلب مسجل لدى جمهورية الكونغو الديمقراطية في افريقياوهو مسجل ككلب شغل و صيد.
الكلب مسجل في عدة نوادي للكلاب الهامه منها:American Kennel Club
,Kennel Club of the United Kingdom
وتم رؤيته في العديد من المناطق منه السودان والدول المجاوره .
هذا الكلب له قدره عاليه جدا على تسلق الاشجار والاسوار وطبعا الكلب ممنوع باي حال من الاحوال انك تسيبه في مكان فيه سور الا وهو مربوط .
-اتعرف الكلب في عام 1895 عند احتلال الاوربيين للكونجو
واستعمله الاهالي لانه كان يتميز بالشجاعة، سرعة،الاستخبارات و الصمت .
الكلب ده محبوب جدا في امريكا لدرجة ان الامريكيين مش عارفيين يجيبوه من افريقيا ازاي وسبب حبهم لبه انه كلب خفيف وسريع جدا جدا و وفي لدرجه مرعبه ومش محتاج عنايه كبيره زي بقية الكلاب نظرا لقصر فروته وجسمه القليل
ومفاجئه الكلب ده انه (لا ينبح) ........مفاجئه مش كده
والسبب انه عنده حنجره غير كلاب الدنيا كلها الكلاب دي بتخرج صوت زمجره بس و بتعوي للتواصل مع الكلب الاخرى ..
بيتهيقلي كده ميه ميه

http://www.dogbreedinfo.com/images20...herCooper1.JPG






واتمنى ان يعجبكم الموضوع

Compact 04-10-2012 01:29 PM

رد: الكلب المصرى http://misrhunting.trakhes.com/images/smilies/biggrin.gif
 
:) :) :)

ضحكتنى جامد و الله يا قناص قلبى

قناص الظلم 04-10-2012 01:37 PM

رد: الكلب المصرى http://misrhunting.trakhes.com/images/smilies/biggrin.gif
 
اقتباس:

المشاركة الأصلية كتبت بواسطة compact (المشاركة 3943)
:) :) :)

ضحكتنى جامد و الله يا قناص قلبى

حبيبى والله ياجنرال ;)انا مبسوط انى ضحكتك وعقبال ماباقى الاعضاء تضحك :)انا برده مش قادر امسك نفسى من الضحك

kefafy 04-10-2012 02:52 PM

رد: الكلب المصرى http://misrhunting.trakhes.com/images/smilies/biggrin.gif
 
تسلم ايدك يا قناصنا الغالى
وبيبقو حاجة صعبه قوى لما يعملو عصابات
ينهار ابيض بيقفلو شوارع والله
انا عاوز منك بقا موضوع طلبته منك قبل كدة
السلعوه :) بجد والله انا عمرى مشفتها فى حياتى الا فى اعلان فودافون بتاع هس السلعوه :)
ربنا يخليك لينا يارب يا قناص المنتدى كله

قناص الظلم 04-10-2012 02:56 PM

رد: الكلب المصرى http://misrhunting.trakhes.com/images/smilies/biggrin.gif
 
هههههههههههههههههههههههههههه عنيا الاتنين يا حوبى جارى التنفيذ

kefafy 04-10-2012 02:58 PM

رد: الكلب المصرى http://misrhunting.trakhes.com/images/smilies/biggrin.gif
 
ربنا يعزك ويديك الصحة يارب ويزيدك من علمه يا ويكيبيديا باشا :)

قناص الظلم 04-10-2012 03:24 PM

رد: الكلب المصرى http://misrhunting.trakhes.com/images/smilies/biggrin.gif
 
تسلم يا غالى :) احلى تحيه للناس المؤدبه والمحترمه

bodygard 34 04-10-2012 04:26 PM

رد: الكلب المصرى http://misrhunting.trakhes.com/images/smilies/biggrin.gif
 
عارف ياقناص ؟ انا كان عندى زمان كلب بلدى مخلط على سلاله غريبه تقريبا كان مخلط على ارمنت قعد عندى من وانا سنى 15 سنه لحد مابقى عندى 29 سنه يعنى 14 سنه.. عشره طويله وجميله.. ولما مات بكيت عليه كما لو كنت بابكى على اعز صديق لى لدرجة ان اللى حواليا سخروا منى واتريقوا ..لكن ماحدش كان يعرف انا حبيت شارلى وده كان اسمه قد ايه..الكلب ده كان مستعد يموت نفسه عشانى دون تردد او اى خوف وكان كلب حراسه من الدرجه الاولى وكان بيفهمنى والله من نظره بس دون اوامر منطوقه..ومن بعدها رفضت انى اربى اى كلب تانى..

قناص الظلم 04-10-2012 04:43 PM

رد: الكلب المصرى http://misrhunting.trakhes.com/images/smilies/biggrin.gif
 
حيوان وفى جدا عيبه الوحيد النجاسه - صديق لى توفاه الله من عامين وخلال اسبوع كنت مسافر ورجعت والدتى قالتلى الكلب توفى بعد ماكان بيبكى كل يوم على وفاه صديقه - قصه اخرى وانا عندى 7 سنين سيده مسنه وحيده مربيه كلب بلدى وكل فين وفين لما حد بيسال عليها - توفيت فخرج الكلب من البيت ينبح ويقلب الدنيا ويجر الناس باسنانه من ملابسهم فى اتجاه المنزل الى ان فهمو اخيرا واخبروا ابنائها وطوال فتره العذاء كان يبكى ومات فى اليوم الرابع خدناه لجنينه ودفناه انا وعيال الجيران واستغفر الله العظيم قرينا الفاتحه مهو احنا مش فاهمين حاجه بقا ربنا يسامحنا

bodygard 34 04-10-2012 05:00 PM

رد: الكلب المصرى http://misrhunting.trakhes.com/images/smilies/biggrin.gif
 
اقتباس:

المشاركة الأصلية كتبت بواسطة قناص الظلم (المشاركة 3988)
حيوان وفى جدا عيبه الوحيد النجاسه - صديق لى توفاه الله من عامين وخلال اسبوع كنت مسافر ورجعت والدتى قالتلى الكلب توفى بعد ماكان بيبكى كل يوم على وفاه صديقه - قصه اخرى وانا عندى 7 سنين سيده مسنه وحيده مربيه كلب بلدى وكل فين وفين لما حد بيسال عليها - توفيت فخرج الكلب من البيت ينبح ويقلب الدنيا ويجر الناس باسنانه من ملابسهم فى اتجاه المنزل الى ان فهمو اخيرا واخبروا ابنائها وطوال فتره العذاء كان يبكى ومات فى اليوم الرابع خدناه لجنينه ودفناه انا وعيال الجيران واستغفر الله العظيم قرينا الفاتحه مهو احنا مش فاهمين حاجه بقا ربنا يسامحنا

انا عارف ان اللى حاقوله دلوقت مش حايعجب ناس كتير ..الكلب غير نجس..ولا يوجد دليل واحد فى القراّن او السنه على كده واللى عنده دليل من المصدرين دول(ايه قراّنيه او حديث صحيح بيوضح ان ملامسة كلب تنقض الوضوء يتفضل ينزل بيها..)


الساعة الآن 12:08 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

استضافة وتصميم : المصرية للأنظمة الرقمية والخدمات المتكاملة 

a.d - i.s.s.w