منتدى صيادين مصر

منتدى صيادين مصر (https://www.egyhunters.com/index.php)
-   الصيد البحري والنهري (https://www.egyhunters.com/forumdisplay.php?f=19)
-   -   موسم صيد الشعور فى البحر الاحمر (https://www.egyhunters.com/showthread.php?t=264)

bodygard 34 02-22-2012 02:28 PM

موسم صيد الشعور فى البحر الاحمر
 
اولا تحياتى للمنتدى الجديد والجميل واتعشم ان اجد هنا مالم اجده فى منتدى اخر... ثانيا نخش فى الموضوع: اولا لابد ان نفرق بين الشعور المقيم فى البحر الاحمر على سواحلنا وده حجمه مش بيكون كبير يعنى اعتقد ان وزن الكبير فيه ما بيزيدش عن كيلو جرام وفى الغالب اقل وكمان البونجز وهو من نفس الفصيله وبرضه وزنه مش بيبقى كبير لكنه سمك قوى وممتع فى صيده وبيضرب وبيشد جامد واللى انا اقصده هنا هو الشعور المهاجر اللى جاى من المحيط الهندى وبيدخل البحر الاحمر ويوصل شواطئنا الجنوبيه خلال شهر مايو وده بيت القصيد هنا لأن فرشته بتكون بالملايين والاوزان يبتدى من 2 كيلو لحد 12 كيلو للسمكه وبيدخل لحد راس غارب او بعدها بشويه وبعدين يبدأ رحلة العوده واعتقد انه والله اعلم بييجى عندنا لبدأ عملية التكاثر ويفضل حوالى 20 او 25 يوم وبعدها يرحل لكن الفتره دائماماتكون خلال شهر مايو وهو ده موسم صيده لأنه بعد عملية التكاثر بياكل بنهم بمعنى انك بمجرد ما بترمى ويستقر العم على القاع ارفع متر واحد فوق الارض ليبدأ الهجوم والطعم المفضل ليه هو السبيط او الكاليمارى وكمان بيخش على السردين والماكريل واذا كرمكم ربنا وركبتوا الفرشه زى ماحصل معانا السنه اللى فاتت يبقى لاحق ياعم وخد بالك لاتقع من على المركب من شدة قوته ..هو بياكل بالليل بس وفى القمره يعنى ياحبذا لو من يوم 16 ليوم 22 من الشهر العربى وبيقف على ارض رمله مش على شعب يعنى مافيش توعير بأذن الله.. الخيط المطلوب 60 فيما فوق والترميل(الفرع) ياريت يكون واير صلب بعد التأكد ممن عدم وجود توعير لأن اسنانه حاده واحيانا بيقطع الخيط..

واسيبكم مع اخر لحظات الرحله بتاعة السنه اللى فاتت


محمد كمال المحامي 02-22-2012 07:35 PM

رد: موسم صيد الشعور فى البحر الاحمر
 
موضوع روعة يا bodygard 34

انا من هواة الصيد في البحر الحمر

و بنصطاد شعور طول السنة لكنه بيكون غالباً احجام صغيرة الى متوسطة يعني لا تزيد عن كيلو الى كيلو ونص

والبونجز متوافر طول العام لكن احجامة برضو صغيرة الى متوسطة ولا تزيد احجامة عن نص كيلو

و معلومة صيده في شهر مايو معلومة ممتازة

و نتمنى اننا نستفيد من خبرتك اكثر في مجال صيد الأسماك

و كمان اتمنى تشرفنا في رحلة الى شرم في القريب ان شاء الله



bodygard 34 02-22-2012 10:15 PM

رد: موسم صيد الشعور فى البحر الاحمر
 
اقتباس:

المشاركة الأصلية كتبت بواسطة admin (المشاركة 867)
موضوع روعة يا bodygard 34

انا من هواة الصيد في البحر الحمر

و بنصطاد شعور طول السنة لكنه بيكون غالباً احجام صغيرة الى متوسطة يعني لا تزيد عن كيلو الى كيلو ونص

والبونجز متوافر طول العام لكن احجامة برضو صغيرة الى متوسطة ولا تزيد احجامة عن نص كيلو

و معلومة صيده في شهر مايو معلومة ممتازة

و نتمنى اننا نستفيد من خبرتك اكثر في مجال صيد الأسماك

و كمان اتمنى تشرفنا في رحلة الى شرم في القريب ان شاء الله



يسعدنى ويشرفنى يا أخى العزيز بس احنا فريق صيد متكامل..ايه رأيك نعمل مسابقه فى شهر مايو؟؟؟

kefafy 03-01-2012 08:51 AM

رد: موسم صيد الشعور فى البحر الاحمر
 
الله ينور يا حج تسلم يارب لا كلام بعد كلام حضرتك
بس الى رايح ياخد باله من القرش لان مفيش فرشه من غير قرش
وتحياتى

bodygard 34 03-01-2012 12:34 PM

رد: موسم صيد الشعور فى البحر الاحمر
 
اقتباس:

المشاركة الأصلية كتبت بواسطة kefafy (المشاركة 1313)
الله ينور يا حج تسلم يارب لا كلام بعد كلام حضرتك
بس الى رايح ياخد باله من القرش لان مفيش فرشه من غير قرش
وتحياتى

ان شاء الله المره الجايه انا مجهزله عدته عشان نفسى فى قرش 40 ولا 50 كيلو

kefafy 03-01-2012 01:07 PM

رد: موسم صيد الشعور فى البحر الاحمر
 
اقتباس:

المشاركة الأصلية كتبت بواسطة bodygard 34 (المشاركة 1326)
ان شاء الله المره الجايه انا مجهزله عدته عشان نفسى فى قرش 40 ولا 50 كيلو

يارب يرزقك ياحج بس خليه فى الخباثه احسن ممنوع اليومين دول صيده :)
لوما بتصطاده بتبقا سمكه روحها قريب قوى زى الناجل والشريفه كدة بظبط لو ركنته على المركب شويه من غير ثلج ممكن يصنن :) تلاقيه عمل ريحة زى ريحه النشادر

Compact 03-01-2012 03:50 PM

رد: موسم صيد الشعور فى البحر الاحمر
 
حج محمد يا مخضرم

bodygard 34 03-01-2012 04:14 PM

رد: موسم صيد الشعور فى البحر الاحمر
 
اقتباس:

المشاركة الأصلية كتبت بواسطة compact (المشاركة 1359)
حج محمد يا مخضرم

عايزين ندخلك معانا يا جنرال فى القصه دى

Compact 03-01-2012 04:46 PM

رد: موسم صيد الشعور فى البحر الاحمر
 
اقتباس:

المشاركة الأصلية كتبت بواسطة bodygard 34 (المشاركة 1368)
عايزين ندخلك معانا يا جنرال فى القصه دى

الواحد نفسوا فعلا يطلعلوا طلعة صيد معاكوا يا حج محمد

بس عايزة وقت , و كل حاجة موجودة الا الوقت يا حج محمد بسبب الشغل و السفر الكتير

kefafy 03-01-2012 04:49 PM

رد: موسم صيد الشعور فى البحر الاحمر
 
اوبببببببببببببببااااااااااااا
فكره ممتازة الله ينور على حضرتك ياحج
والله يا جنرال هتنبسط كتيير
انا كان لييا مدير فى الشغل زى اخى الاكبر والله كان عميد فى المنطقة الجنوبيه بيطلع معايا على طول
مكنش بيحب الصيد خالص وطلع معايا مره
هههههههههههههههههههههههههههههههههههههه
براقبه من بعيد لبعيد على المركب علشان اطمن انه قاعد مش زهقان ابص الاقيه بسم الله مشاء الله ماسك سمكة فيها بتاع 4 كيلو
وشويه سمكه فيها بتاع 6 كيلو
وشويه جرم بياض فيه بتاع 15 كيلو
هههههههههههههههههههههههههههههههههههههههههههههه
قالى انا شغال سايلنت مش زيك بعمل فرح لما بطلع بسرييايه
ومن ساعتها بصيت لقيته اشترى عده محترمه وبقا استاذ بصراحة
فكر كده يا جنرال ورتب امور حضرتك على شهر مايو باذن الله
وهتنبسط


الساعة الآن 11:36 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

استضافة وتصميم : المصرية للأنظمة الرقمية والخدمات المتكاملة 

a.d - i.s.s.w