منتدى صيادين مصر - تساؤلات و استفسارات لأهل المنتدي ...شاركوني ..

منتدى صيادين مصر (https://www.egyhunters.com/index.php)

- السلاح الحي والخرطوش (https://www.egyhunters.com/forumdisplay.php?f=5)

- - تساؤلات و استفسارات لأهل المنتدي ...شاركوني .. (https://www.egyhunters.com/showthread.php?t=3420)

تساؤلات و استفسارات لأهل المنتدي ...شاركوني ..

رد: تساؤلات و استفسارات لأهل المنتدي ...شاركوني ..

انا حجاوبك في النقاط اللي اعرف اجاباتها

اقتباس:

بعض الزملاء ذكروا ان فيه طبنجات بتضرب 9 مم طويل و قصير .. ازاي ؟؟ اذا كان فيه فرق بينهم في المقاس .. مش الخزنة و الماسورة و باقي اجزاء الطبنجة بتكون مصممة للتعامل مع مقاس محدد ؟؟

دي بيكون بتركيب جزء يسمى جلبه
بتسمح للمسدس يضرب 9 مللي طويل ولكن اعتقد ان مش في كل الاسلحه
ولكن بعض مقتني المسدسات لا يفضلون التغيير والتعديل عليه
لانهم يعتبرون ان المسدس يؤخذ بنفس عياره فقط

اقتباس:

ما هو بيت النار "" يقع تحديدا في اي جزء من السلاح .. و وفقا لاسمه ..هل يتم تصنيعه من معدن اقوي و اكثر تحملا من معدن المسدس او معدن الماسورة مثلا ؟

بيت النار هو الجزء الذي تدخله الطلقه بعد رفعها من الخزنه ودخولها له
وهو مايتم داخله انفجار الطلقه بعد ضرب الشاكوش للكبسوله وبعدها يندفع المقذوف للخارج من الماسوره
ثم بحركه ميكانيكيه يخرج الظرف الفارغ من بيت النار للجانب ويدخل مكانها الطلقه الجديده
ويجب ان يكون مصنوع بكثافه أكبر من باقي المسدس ليتحمل قوة الانفجار الرهيبه
لانه لو لم يكن مصنوع بكثافه عاليه سوف يصيب حامل السلاح ويمكن ان يفقده يده.

رد: تساؤلات و استفسارات لأهل المنتدي ...شاركوني ..

اقتباس:

المشاركة الأصلية كتبت بواسطة ابو علي خليل (المشاركة 21993)

بادئ ذى بدء ارجع للرابط ده عشان تعرف المقاساتhttp://misrhunting.trakhes.com/showthread.php?t=2846 وبعدين ناخد اسئلتك واحد واحد .. اولا المقصود بال 9 مم او 9.19 او 9 طويل على سبيل المثال لا الحصر ان قطر المقذوف اللى ممكن ينضرب من الطبنجه دى (حلوان مثلا ) 9.19 مللمتر يبقى اى مقذوف بالقطر ده ممكن يعدى من الماسوره دى..ال 9 القصير بيبقى قطره اقل 9.17 يبقى فى فرق 0.02 مللى بين قطر (تخانة ) المقذوف فى ال9 الطويل اكتر من قطر المقذوف فى ال 9 طويل ومش بس كده حتلاقى فرق طول كمان بين ال9 طويل وال 9 قصير لصالح ال طويل طبعا..بالنسبه للسؤال التانى بخصوص الطبنجات اللى ممكن تضرب عيار 9 طويل و9 قصير مافيش غير الحلوان هى اللى بتعمل كده واناماعرفش ده عيب فيها ولا ايه بس هو منطقى ان الماسوره اللى يعدى منها9 طويل ينفع يعدى منها 9 قصير ..بس انا متأكد ان ده على حساب عمر الماسوره لأن بالبلدى كده الطلقه القصير حتترنح داخل الماسوره وهى خارجه نتيجة وجود فرق فى المقاس وبالتالى انا متأكد ان ان الحلوان ممكن تضرب عيار المكاروف((9.18) كمان وافضل من ال9 القصير .. بالنسبه للفروق اللى بين العيارات غير المقاس فحدث ولا حرج طبعا كمية البارود نتيجة اختلاف سعة الطلقه نفسها من مقاس الى أخر ..اختلاف شكل المقذوف ..اختلاف خامةالمقذوف ..اختلاف الغرض من الطلقه نفسه (طلقه عاديه ..طلقه خارقه ..طلقه خارقه حارقه..)..اختلاف نوعية البارود وكميته حتى فى العيار الواحد ... وكل الختلافات تجيب على تساؤلك بخصوص قوة الصوت ..بس برضه قوة الصوت بتتأثر بشكل الطبنجه ونوعية خاماتها يعنى الطبنجه اللى ماسورتها مكشوفه صوتها اعلى من اللى ماسورتها متغطيه وهكذا ..بيت النار هو الجزء اللى بتنتقل اليه الطلقه من مكانها فى الخزنه الى مؤخرة الماسوره وامام ابرة ضرب النار وبعدها يقوم الرامى بالضغط على التتك اللى بيحرك الشاكوش ليطرق الابره من الخلف لتندفع اللى كعب الطلقه وتحدث عمليه اشتعال البارود داخل الطلقه ينتج عنها كميه كبيره من الغاز يضغط على المقذوف فيندفع الى الماسوره بسرعه عاليه جدا ويرتد المظروف بقوه شديده دافعا الجزاء الى الخلف فيسمح للطلقه التاليه بالخروج الى بيت النار دافعه المظروف اللى انضرب خارج الطبنجه ..وبيت النار لازم يكون اوسع من الماسوره عشان بيحوى الطلقه بأكملها ((المظروف +المقذوف ) وعلى فكره دى الجزئيه الاوتوماتيك فى الطبنجات النصف اليه..كان فى حد منزل قبل كده فيلم انيميشن بيوضح الية عمل الطبنجات النصف اليه ياريت اللى يلاقيه ينزله مره تانيه لتوضيح كلامى..اخيرا وارد يكون فى كلامى اخطاء برجاء اللى يشوف خطأ يصححه بوضوح

رد: تساؤلات و استفسارات لأهل المنتدي ...شاركوني ..

اقتباس:

المشاركة الأصلية كتبت بواسطة ابو علي خليل (المشاركة 21993)

السلام عليكم أهل المنتدي الكرام ..
كل يوم بتعلم من اهل المنتدي معلومة جديدة .. و خلال تصفحي في الاسابيع الفائتة لموضوعات المنتدي مرت علي موضوعات كثيرة فيها الكثير المصطلحات او المعلومات المختلفة .التي احتاج فيها لتوضيح علشان افهمها كويس ...
انا حاذكر هنا بعض هذه الاستفسارات و اتمني المشاركة من اهل المنتدي بالتوضيح .. و ان شاء الله يكون في هذا افادة لي و لغيري ..
* مالفرق بين عيار 9مم طويل و قصير ... و ""9مم"" ترمز لايه بالظبط ؟؟ هل هو طول الطلقة ام سمكها ام ....؟

ال9 مم الطويل مقاسه 9*19 و القصير 9*17 و ال 9مم ترمز لقطر المقذوف
* بعض الزملاء ذكروا ان فيه طبنجات بتضرب 9 مم طويل و قصير .. ازاي ؟؟ اذا كان فيه فرق بينهم في المقاس .. مش الخزنة و الماسورة و باقي اجزاء الطبنجة بتكون مصممة للتعامل مع مقاس محدد ؟؟
الحلوان51 بتضرب 9 طويل و قصير و المكاروف بتضرب عيار المكاروف 9*18 و بتضرب 9 قصير 9*17 و اى طبنجة بتضرب عيار 38 سبيشيال ممكن تتحول ل 9مم طويل او قصير بتركيب جلبة فى اول الماسورة من ناحية بيت النار لكن حتلاقى الطبنجة بتسخن و مش مضبوطة ابدا

*في الفرق بين العيارات .. هل يوجد فروق غير المقاس في العيارات المختلفة .. هل كمية البارود مثلا في ال9مم اكبر من الكمية في 7.65 .. و اللا ايه الفروق بالضبط ؟؟
كل ما المقذوف يكبر كل ما البارود يكتر عشان يديه قوة دفع

* و استكمالا للسؤال .. هل كلما زاد العيار كان ليه تأثير علي صوت الطلقة و قوتها عند خروجها من الطبنجة ؟؟ و بالقياس مثلا علي مسدسات الصوت .. هل يلزم ان ال9مم يكون صوته اعلي من 8مم و هكذا .. اي الموضوع راجع بالكامل للطلقة و اللا الطبنجة نفسها ليها دور في الموضوع ده؟؟
كل ما العيار يكبر كل ما البارود يكتر البارود يكتر كل ما الصوت يعلى و كل ما الماسورة تقصر كل ما الصوت يعلى و الساقية دائما صوتها اعلى من الطبنجة

*ما هو بيت النار "" يقع تحديدا في اي جزء من السلاح .. و وفقا لاسمه ..هل يتم تصنيعه من معدن اقوي و اكثر تحملا من معدن المسدس او معدن الماسورة مثلا ؟؟
معدن الماسورة مختلف كليا عن معدن الكوبرى فى اى طبنجة
بيت النار هو الجزء الى شايل الطلقة فى الماسورة و الطبنجة مقفولة عليها يعنى بيكون عبارة عن الجزء المفتوح لخروج الفارغ و ماحوله و جزء من الماسورة الى بتبات فيه الطلقة و فى طبنجات بيت النار فيها مدعم بعازل حرارى زى الطبنجات الهاى-باور و الطبنجات المميزة و فى طبنجات تانية كتير مفهاش و خامة بيت النار زى بقية الكوبرى
---------------
دي بعض التساؤلات اللي مرت عليا اثناء تصفح بعض موضوعات المنتدي و اللي اتمني اني الاقي ليها اجابة شافية عند الخبراء ..ممكن تكون تساؤلاتي بدائية ..و لكن عموما انا لا اخجل من السؤال طالما فيه فائدة .. و اكيد بين الاجابات انا و غيري حنلاقي اجابات لأسئلة اخري لم يتم ذكرها هنا ...
شكرا لحضراتكم :)

الرد باللون الاحمر
و يرجى الاضافة و التعديل من جنرال و خبراء المنتدى ان امكن

رد: تساؤلات و استفسارات لأهل المنتدي ...شاركوني ..

9 مللى الطويل معناها ان الطلقة قطرها 9 مللى و طول الطلقة 19 مللى و القصير قطرها 9 مللى و طولها 17 مللى وهكذا علشان كده اى مسدس عيار 9 مللى طويل و الخزنة بتعته صف واحد هيقدر يضرب اى عيار اصغر من 9 × 19 بس ده طبعا غير مفضل على الاطلاق لان اقل حاجة ممكن يخلى تغذية الماسورة بالطلاقات مش منتظمة و يخلى السلاح يعلق

رد: تساؤلات و استفسارات لأهل المنتدي ...شاركوني ..

ا.هشام.. حاج . محمد .. الاخ احمد تريجر .. الفاضل dobi2003
مش عارف اشكركم ازاي علي تجاوبكم و مساهمتكم خاصة لواحد بيتعلم زي حالاتي ..انا قاعد بقرأ اللينك اللي الحاج محمد حاطه .. و باقرأ تعليقات حضراتكم كويس و بالطبع حيكون ليا استفسارات تاني ..
لكن لحد ما احضر الاستفسارات التانية لفت نظري ان حضراتكم قلتم ان ال 9 مم معناه قطر الطلقة نفسها .. طيب بالنسبة للعيار38 سبيشيال .. هل الــ 38 دي برضه ترمز لقطر الطلقة!!؟؟ خصوصا ان تريجر ذكر ان الطبنجة اللي بتضرب العيار ده ممكن تتحول لضرب الــ 9 مم !!!
* سؤال اخر .. نظرا للفروق العديدة ما بين العيارات .. هل استنتج ان تأثير الطلقة نفسها علي الهدف بتكون( اقل ) في العيار الاقل .. يعني مثلا الـ7.65 اقل في اثره علي الهدف من الــ9 مم .. و الــ9 القصير اقل في تأثيره من الــ 9 الطويل .. و هكذا ...
و هل الطبنجة نفسها ( نوعها .. خاماتها .. ميكانيكيتها ) ليها أثر يذكر في الموضوع ده ... بمعني هل استخدام هيكلر مثلا او بيريتا مقابل استخدام الحلوان حيفرق في اثر الطلقة علي الهدف عند استخدام نفس العيار ؟؟

رد: تساؤلات و استفسارات لأهل المنتدي ...شاركوني ..

اقتباس:

المشاركة الأصلية كتبت بواسطة ابو علي خليل (المشاركة 22033)

اللى اعرفه ان عيار 38 و40 و45 فى الاصل عيار امريكى والقياس فيه بالبوصه مش بالمللى بمعنى ان 38 تعنى 0.38 من البوصه ..شوف البوصه كام مللى (تقريبا 27 مللى )واقسمها على 0.38 تعرف قطر الطلقه بالمللى..طبع تأثير الطلقه اللى عيارها اكبر على الهدف بيكون اكبر من العيار الاقل مع وضع المسافه بينك وبين الهدف فى الاعتبار ..يعنىمثلا عيار 22 وهو من اصغر الاعيره الناريه قاتل برضه من المسافات القريبه ((5 متر مثلا ))يالذات لو اصاب منطقه خطره زى الرأس او القلب او اى شريان رئيسى..بالنسبه لأختلاف انواع الطبنجات ففى المسافات القصيره كله واحد ومميت اما بالنسبه للمسافات الكببره فحتفرق اكيد قدرات الطبنجه من ناحية قوة السوست وطول الماسوره ودقة التصويب ..ده اللى انا اعرفه وفى انتظار الاراء الاخرى

رد: تساؤلات و استفسارات لأهل المنتدي ...شاركوني ..

تسلم يا حاج علي المعلومات القيمة ..ربنا يبارك فيك .. بس انا لسه مخلصتش .. مش حاسيبك غير لما اطلع كل المعلومات و الخبرات المستخبية :) :)

رد: تساؤلات و استفسارات لأهل المنتدي ...شاركوني ..

اقتباس:

المشاركة الأصلية كتبت بواسطة ابو علي خليل (المشاركة 22035)

مافيش اى مشكله انا تحت امرك ..بس لى رجاء ..ماتاخدش برأيى انا لوحدى وارد ان يكون عندى معلومه غير صحيحه ..استنى رأى بقية الناس

رد: تساؤلات و استفسارات لأهل المنتدي ...شاركوني ..

اقتباس:

المشاركة الأصلية كتبت بواسطة bodygard 34 (المشاركة 22039)

أستاذي الفاضل ..ربنا يباركلك و يزيدك علما و تواضعا ..حضرتك و اهل المنتدي المحترمين كلكم اساتذتي .. و انا لا اقول ذلك مجاملة و لا رياء ..انا بقول كده لاني بالفعل باتعلم منكم اللي مكنتش اعرفه ..و اللي بيعلمني حاجة قيمته عندي بتكون عالية جدا ...
تحياتي :)