منتدى صيادين مصر
صفحة 1 من 2 1 2
عرض 40 مشاركات من هذا الموضوع لكل صفحة

منتدى صيادين مصر (https://www.egyhunters.com/index.php)
-   السلاح الحي والخرطوش (https://www.egyhunters.com/forumdisplay.php?f=5)
-   -   إجراءات شراء مسدس بعد الحصول علي تصريح ء، (https://www.egyhunters.com/showthread.php?t=1735)

أحمد هانئ 09-29-2012 09:58 PM
إجراءات شراء مسدس بعد الحصول علي تصريح ء،
 
ما هي خطوات الشراء بعد حصولي علي تصريح الشراء و ما هي اقصي مدد التجديد للتصريح؟ و نظرا لخبرتي المحدودة و ما سمعت من أسعار حاليا& ما هي خطوات الأستيراد و ما نسبه نجاحها ؟. للحفاظ علي موافقه الشراء مع جزيل الشكر

bodygard 34 09-30-2012 03:57 PM
رد: إجراءات شراء مسدس بعد الحصول علي تصريح ء،
 
اقتباس:
المشاركة الأصلية كتبت بواسطة أحمد هانئ (المشاركة 8936)
ما هي خطوات الشراء بعد حصولي علي تصريح الشراء و ما هي اقصي مدد التجديد للتصريح؟ و نظرا لخبرتي المحدودة و ما سمعت من أسعار حاليا& ما هي خطوات الأستيراد و ما نسبه نجاحها ؟. للحفاظ علي موافقه الشراء مع جزيل الشكر
بعد استلام تصريح الشراء كل المطلوب منك تنزل تلف على محلات السلاح محل محل وتسأل على حاجه تناسب ميزانيتك وتعمل عضويه فى كل منتديات الصيد والاسلحه وتنزل موضوع زى اللى انت كاتبه تعلن رغبتك فيه عن شراء سلاح مرخص وتكلم كل معارفك واصدقاءك لو يعرفوا حد عنده سلاح مرخص تكون حالته كويسه وسعره معقول وعاوز يبيعه ولو حبيت زياده فى الاحتياط تلف على كام قسم شرطه وتتعرف بموظفين رخص السلاح وتوصيهم لو فى حد مش حيتجددله رخصته لأنتهاء المبررات لحمل السلاح يدوك خبر ولهم طبعا الحلاوه..ولازم طبعا تسيب نمرة موبايلك لهم عشان يتصلوا بيك ..طبعا انا مفترض ان الجيب عمران والموضوع مش موضوع فلوس والفلوس موجوده بس هو فين السلاح المناسب .. وفى طبعا ناس حاتشتغلك كتير وتحاول تقنعك بحاجات مش مظبوطه (اوعى تشترى من غير مايكون معاك حد بيفهم فى السلاح)او ترجع تاخد رأى واحد خبير زى الجنرال معانا هنا فى المنتدى فى اى قطعه معروضه عليك... كل ده لو سيادتك زى حالاتنا والميزانيه على القد ...اما لو انك من ذوى الاملاك والملايين فتروح اتخن محل فيكى يا مصر وتحط رجل على رجل وتطلب السيج زاور حبيب المليونيرات ابو 120000 جنيه... وتبص له باحتقار وتقول للبياع :مافيش حاجه احسن من كده..وتنقى وتتبغدد زى مانت عاوز (ياه نفسى اعمل كده)..وبعد كده اذا اشتريت (من اى مكان) تاخد طبنجتك ونسخه من تصريح الشراء مسجل عليه بيانات المسدس ومختوم بخاتم المكان اللى اشتريت منه وتروح القسم اللى انت تابع ليه وتطلب جواب فحص للمعمل الجنائى تروح بالجواب للمعمل يتفحص المسدس هناك وبرضه حايختموا الجواب وترجع بالجواب للقسم يستلمه منك موظف الرخص ويديك رخصه مؤقته قد نص ورقة الجرنال لحين استخراج رخصة الكمبيوتر ام 32 جنيه..اما لو كل ده ماحصلش (متوقع) يبقى سيادتك قبل انتهاء مدة تصريح الشراء بيومين تروح جرى تجدده مده مماثله من نفس موظف التراخيص اللى استلمت منه التصريح الاول (ان كان لسه من اهل الدنيا).. اه نسيت انا اسف ماعرفش حاجه عن موضوع الاستيراد..

Compact 09-30-2012 07:23 PM
رد: إجراءات شراء مسدس بعد الحصول علي تصريح ء،
 
اقتباس:
المشاركة الأصلية كتبت بواسطة bodygard 34 (المشاركة 8947)
بعد استلام تصريح الشراء كل المطلوب منك تنزل تلف على محلات السلاح محل محل وتسأل على حاجه تناسب ميزانيتك وتعمل عضويه فى كل منتديات الصيد والاسلحه وتنزل موضوع زى اللى انت كاتبه تعلن رغبتك فيه عن شراء سلاح مرخص وتكلم كل معارفك واصدقاءك لو يعرفوا حد عنده سلاح مرخص تكون حالته كويسه وسعره معقول وعاوز يبيعه ولو حبيت زياده فى الاحتياط تلف على كام قسم شرطه وتتعرف بموظفين رخص السلاح وتوصيهم لو فى حد مش حيتجددله رخصته لأنتهاء المبررات لحمل السلاح يدوك خبر ولهم طبعا الحلاوه..ولازم طبعا تسيب نمرة موبايلك لهم عشان يتصلوا بيك ..طبعا انا مفترض ان الجيب عمران والموضوع مش موضوع فلوس والفلوس موجوده بس هو فين السلاح المناسب .. وفى طبعا ناس حاتشتغلك كتير وتحاول تقنعك بحاجات مش مظبوطه (اوعى تشترى من غير مايكون معاك حد بيفهم فى السلاح)او ترجع تاخد رأى واحد خبير زى الجنرال معانا هنا فى المنتدى فى اى قطعه معروضه عليك... كل ده لو سيادتك زى حالاتنا والميزانيه على القد ...اما لو انك من ذوى الاملاك والملايين فتروح اتخن محل فيكى يا مصر وتحط رجل على رجل وتطلب السيج زاور حبيب المليونيرات ابو 120000 جنيه... وتبص له باحتقار وتقول للبياع :مافيش حاجه احسن من كده..وتنقى وتتبغدد زى مانت عاوز (ياه نفسى اعمل كده)..وبعد كده اذا اشتريت (من اى مكان) تاخد طبنجتك ونسخه من تصريح الشراء مسجل عليه بيانات المسدس ومختوم بخاتم المكان اللى اشتريت منه وتروح القسم اللى انت تابع ليه وتطلب جواب فحص للمعمل الجنائى تروح بالجواب للمعمل يتفحص المسدس هناك وبرضه حايختموا الجواب وترجع بالجواب للقسم يستلمه منك موظف الرخص ويديك رخصه مؤقته قد نص ورقة الجرنال لحين استخراج رخصة الكمبيوتر ام 32 جنيه..اما لو كل ده ماحصلش (متوقع) يبقى سيادتك قبل انتهاء مدة تصريح الشراء بيومين تروح جرى تجدده مده مماثله من نفس موظف التراخيص اللى استلمت منه التصريح الاول (ان كان لسه من اهل الدنيا).. اه نسيت انا اسف ماعرفش حاجه عن موضوع الاستيراد..
الله ينور على الكلام اللى من القلب يا حاج محمد , و معلومات و اجراءات واقعية و مضبوطة 100% :)

السيج زاور خصوصا الاكس5 و الاكس6 عمره ما كان افضل طبنجة للدفاع عن النفس , دى طبنجات مصنوعة مخصوص للرماية و غير عملى فى حمله اثناء الحياة اليومية العادية , و للاسف بقى ثقافة عامة ان السيج زاور خصوصا موديلات الاكس هو الافضل فى الطبنجات و ده مخالف للمنطق و للواقع العملى

بالنسبة للاستيراد ...
يتم ارسال جواب مسجل بعلم الوصول للامانة العامة للقوات المسلحة مصحوب بصورة البطاقة و صورة من طلب الشراء او من رخصة السلاح , و تتم متابعة الموافقة الاستيرادية مع ادارة الامن العام التابع لها صاحب الترخيص

الاستيراد الشخصى للاسلحة المدنية المرخصة من اوروبا و الولايات المتحدة موقوف حاليا

bodygard 34 09-30-2012 08:47 PM
رد: إجراءات شراء مسدس بعد الحصول علي تصريح ء،
 
2 مرفق
اقتباس:
المشاركة الأصلية كتبت بواسطة compact (المشاركة 8951)
الله ينور على الكلام اللى من القلب يا حاج محمد , و معلومات و اجراءات واقعية و مضبوطة 100% :)

السيج زاور خصوصا الاكس5 و الاكس6 عمره ما كان افضل طبنجة للدفاع عن النفس , دى طبنجات مصنوعة مخصوص للرماية و غير عملى فى حمله اثناء الحياة اليومية العادية , و للاسف بقى ثقافة عامة ان السيج زاور خصوصا موديلات الاكس هو الافضل فى الطبنجات و ده مخالف للمنطق و للواقع العملى

بالنسبة للاستيراد ...
يتم ارسال جواب مسجل بعلم الوصول للامانة العامة للقوات المسلحة مصحوب بصورة البطاقة و صورة من طلب الشراء او من رخصة السلاح , و تتم متابعة الموافقة الاستيرادية مع ادارة الامن العام التابع لها صاحب الترخيص

الاستيراد الشخصى للاسلحة المدنية المرخصة من اوروبا و الولايات المتحدة موقوف حاليا
بمناسبة الاستيراد يا كبيرنا..الاردن بيصنع طبنجه بالاشتراك مع الولايات المتحده اسمهاjaws.. الشركه الامريكيه اسمهاviper ..ليه ماحدش بيحاول يستوردها؟؟؟ شكلها طبنجه محترمه..مش يبقى ارخص واقرب؟؟

محمد كمال المحامي 09-30-2012 11:13 PM
رد: إجراءات شراء مسدس بعد الحصول علي تصريح ء،
 
ربنا يكرمك يا حاج محمد

معلومات في منتهى الدقة والأمانة

والف شكر للجنرال على التوضيح والإضافة

bodygard 34 10-01-2012 12:20 AM
رد: إجراءات شراء مسدس بعد الحصول علي تصريح ء،
 
هو انا كل ماأرد على حد فى موضوع ابص الاقيه اختفى!!!!!!!!! فين صاحب الموضوع؟؟؟؟هو انا بقول كلام ابيح؟؟؟

Compact 10-01-2012 12:33 AM
رد: إجراءات شراء مسدس بعد الحصول علي تصريح ء،
 
اقتباس:
المشاركة الأصلية كتبت بواسطة bodygard 34 (المشاركة 8953)
بمناسبة الاستيراد يا كبيرنا..الاردن بيصنع طبنجه بالاشتراك مع الولايات المتحده اسمهاjaws.. الشركه الامريكيه اسمهاviper ..ليه ماحدش بيحاول يستوردها؟؟؟ شكلها طبنجه محترمه..مش يبقى ارخص واقرب؟؟
لقد شرفت بتجربة الفايبر الاردنى و الكراكال الاماراتى و الجلوك السعودى ... عقبال الحلوان ولا تعليق :)

أحمد هانئ 10-07-2012 08:18 PM
رد: إجراءات شراء مسدس بعد الحصول علي تصريح ء،
 
الف شكر علي الاهتمام و الرد الوافي و أسف علي التأخير نظرا لظروف العمل

bodygard 34 10-07-2012 11:35 PM
رد: إجراءات شراء مسدس بعد الحصول علي تصريح ء،
 
اقتباس:
المشاركة الأصلية كتبت بواسطة أحمد هانئ (المشاركة 9258)
الف شكر علي الاهتمام و الرد الوافي و أسف علي التأخير نظرا لظروف العمل
حمد الله على السلامه ..واهم حاجه اكون افدتك فعلا.. ومتابع معاك لحد ماتخلص الموضوع بأذن الله

محمد الولايات المتحدة 10-15-2012 02:02 PM
رد: إجراءات شراء مسدس بعد الحصول علي تصريح ء،
 
اقتباس:
المشاركة الأصلية كتبت بواسطة bodygard 34 (المشاركة 8947)
بعد استلام تصريح الشراء كل المطلوب منك تنزل تلف على محلات السلاح محل محل وتسأل على حاجه تناسب ميزانيتك وتعمل عضويه فى كل منتديات الصيد والاسلحه وتنزل موضوع زى اللى انت كاتبه تعلن رغبتك فيه عن شراء سلاح مرخص وتكلم كل معارفك واصدقاءك لو يعرفوا حد عنده سلاح مرخص تكون حالته كويسه وسعره معقول وعاوز يبيعه ولو حبيت زياده فى الاحتياط تلف على كام قسم شرطه وتتعرف بموظفين رخص السلاح وتوصيهم لو فى حد مش حيتجددله رخصته لأنتهاء المبررات لحمل السلاح يدوك خبر ولهم طبعا الحلاوه..ولازم طبعا تسيب نمرة موبايلك لهم عشان يتصلوا بيك ..طبعا انا مفترض ان الجيب عمران والموضوع مش موضوع فلوس والفلوس موجوده بس هو فين السلاح المناسب .. وفى طبعا ناس حاتشتغلك كتير وتحاول تقنعك بحاجات مش مظبوطه (اوعى تشترى من غير مايكون معاك حد بيفهم فى السلاح)او ترجع تاخد رأى واحد خبير زى الجنرال معانا هنا فى المنتدى فى اى قطعه معروضه عليك... كل ده لو سيادتك زى حالاتنا والميزانيه على القد ...اما لو انك من ذوى الاملاك والملايين فتروح اتخن محل فيكى يا مصر وتحط رجل على رجل وتطلب السيج زاور حبيب المليونيرات ابو 120000 جنيه... وتبص له باحتقار وتقول للبياع :مافيش حاجه احسن من كده..وتنقى وتتبغدد زى مانت عاوز (ياه نفسى اعمل كده)..وبعد كده اذا اشتريت (من اى مكان) تاخد طبنجتك ونسخه من تصريح الشراء مسجل عليه بيانات المسدس ومختوم بخاتم المكان اللى اشتريت منه وتروح القسم اللى انت تابع ليه وتطلب جواب فحص للمعمل الجنائى تروح بالجواب للمعمل يتفحص المسدس هناك وبرضه حايختموا الجواب وترجع بالجواب للقسم يستلمه منك موظف الرخص ويديك رخصه مؤقته قد نص ورقة الجرنال لحين استخراج رخصة الكمبيوتر ام 32 جنيه..اما لو كل ده ماحصلش (متوقع) يبقى سيادتك قبل انتهاء مدة تصريح الشراء بيومين تروح جرى تجدده مده مماثله من نفس موظف التراخيص اللى استلمت منه التصريح الاول (ان كان لسه من اهل الدنيا).. اه نسيت انا اسف ماعرفش حاجه عن موضوع الاستيراد..
دة عيار كام دة حضرتك اللى ب 120000 جنية ؟


الساعة الآن 01:25 AM
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

استضافة وتصميم : المصرية للأنظمة الرقمية والخدمات المتكاملة 

a.d - i.s.s.w