منتدى صيادين مصر - افضل سيارة للصيد

منتدى صيادين مصر (https://www.egyhunters.com/index.php)

- سوق سيارات منتدى صيادين مصر (https://www.egyhunters.com/forumdisplay.php?f=48)

- - افضل سيارة للصيد (https://www.egyhunters.com/showthread.php?t=1879)

افضل سيارة للصيد

انا عندى سيارة ميجان وبصراحة مش بعرف اصطاد منها كويس خاصة وانا حجمى كبير وبصراحة دايما بشوف فى الخارج او الخليج ان معظم الصيد بيكون من عربيات دفع رباعى او نصف نقل فكنت عايز اعرف ايه راى الاعضاء فى اللادا نيفا لانى بفكر كمان شوية اجيب واحدة مستعملة ايه رأيكم

رد: افضل سيارة للصيد

احسنت الاختيار لانها فعلا افضل عربية اقتصادية لاى صياد لانها عبارة عن دبابة على 4 عجلات و محدش حيضايقك و انته سايقها لان كل الناس بتخاف تخبط فيها هههههههههههه
اختيار 100 100 و الله

رد: افضل سيارة للصيد

اللادا نيفا موفرة فعلا وقوية جدا وموتورها رائع وصاجها متين. بس أنت بتقول معاك رينو فالمقارنة صعبة جدا من حيث القيادة والتعود فمن ركوبي ليها مع صديق ليا أقدر أقولك التالي:

مميزاتها:

قوية جدا وعزم شديد للغاية وتسارع حتى سرعة 140 كم؟س
عالية عن الأرض وبرضو متزنة حتى سرعة 90 كم؟س
مبتسخنش زي الإعتقاد السائد وتناسب الحر الشديد
قطع غيارها ببلاش إلا ربع
إستهلاك بنزين رائع
صاج قوي جدا

العيوب:

إنسى أنها عربية مريحة أو حتى قريبة من الراحة
إنسى النعومة والصوت الواطي
إنسى إنك ميجيلكش صداع علي المسافات الطويلة من الأصوت (الموتور والعفشة والتزييق)
إنسى إنك تفقل الزجاج متسمعش صوت برا أو يعزل حتى الهواء والبرد
فيها عيب كبير إن ذراع فتح الشنطة من الداخل في الخلف عند الكنبة. ومحطوطة في حتة ظاهرة جدا. فلو معاك أطفال في الخلف ممكن جدا تلاقي الشنطة إتفتحت وإنت واقف في إشارة أو ماشي علي الطريق. وبعدين بتتفتح بقوة كبيرة فلو وراك عربية ممكن تبقى حدثة هاهاهااااااا

رد: افضل سيارة للصيد

النيفا عربية خشنة جداً عاملة زي الربع نقل

لكن اختيارها للصيد اختيار موفق

رد: افضل سيارة للصيد

العربية دى مع الاهتمام و الصيانة الدورية بقطع غيار اصلية بتفضل بحالتها الاصلية و الجيش المصرى فىه نماذج كثتير منها بحالة الزيرو و بحالة متهالكة

ليها تجهيز عسكرى بجنزير بدل العجلات على نفس الشاسيه :)

بالنسبة لصاحب الموضوع ... لو لقيت منها عربية بحالة جيدة لا تتردد فى شرائها خصوصا انك جايبها لمشاوير مش خسارة تهلك فيها الملاكى العادى

رد: افضل سيارة للصيد

ممكن شيروكى 2500 سى سى 4 سلندر مانوال موديل تسعينات ... قوية جدا و بنزينها كويس

رد: افضل سيارة للصيد

اقتباس:

المشاركة الأصلية كتبت بواسطة trigger (المشاركة 9685)

ربنا يخليك وفعلا انا بحس انها مدرعة مش عربية

اقتباس:

المشاركة الأصلية كتبت بواسطة eng.amg (المشاركة 9690)

لا ياباش مهندس انت فهمت ايه انا مش هبدل الميجان باللادا :-)) انا عايز اجيب حاجة استعمال لان اسعارها كويسة جدا جدا فى المستعمل وتكون للمشاوير بتاعة الصيد بس يعنى العاشر الشروق داخل الشرقية كدا يعنى تفتكر تبقى كده مفيدة ولا برده هتتعب فى سواقيتها ؟

للعلم تقييمك لها ممتاز جدا الف شكر ليك

اقتباس:

المشاركة الأصلية كتبت بواسطة admin (المشاركة 9692)

النيفا عربية خشنة جداً عاملة زي الربع نقل

لكن اختيارها للصيد اختيار موفق

أشكرك جدا هوا دا اللى عايزه

اقتباس:

المشاركة الأصلية كتبت بواسطة compact (المشاركة 9694)

متشكر جدا للنصيحة وفعلا ده اللى خلانى افكر فيها

اقتباس:

المشاركة الأصلية كتبت بواسطة compact (المشاركة 9695)

ممكن شيروكى 2500 سى سى 4 سلندر مانوال موديل تسعينات ... قوية جدا و بنزينها كويس

بص الشيروكى هتبقى اغلى بس المشكلة الاكبر انى شايف البلد مش هتخلى حد يركب عربية فوق 1600 سي سي برفع تمن البنزين والضريبة كمان الشيروكى اسعار قطع غيارها غالية بشكل جنونى

طيب يا جماعة حد يعرف اسعار قطع غيارها غالية ولا رخيصة وهل اى حد بيصلحها ولا لازم تروح التوكيل برضه؟

شكرا لمشاركاتكم القيمة

رد: افضل سيارة للصيد

اقتباس:

المشاركة الأصلية كتبت بواسطة محمد حسام (المشاركة 9709)

http://misrhunting.trakhes.com/showthread.php?t=647

الف شكر على الفيديوهات الجميلة

طيب حد عنده فكرة عن الفيتارا القديمة؟

رد: افضل سيارة للصيد

اقتباس:

المشاركة الأصلية كتبت بواسطة صائد الأفاعى (المشاركة 9716)

الف شكر على الفيديوهات الجميلة

طيب حد عنده فكرة عن الفيتارا القديمة؟

أنا طبعا فاهم إنك مش حتستغنى عن الرينو. بس حبيت أقولك الإحساس أول متسوق اللادا نيفاز:)
أما الفيتارا فأظن إنك بتتكلم عن موديلات التسعينيات (97 مثلا..)

العربية دي رائعة في النعومة والرفاهية (باور جميل - تكييف قوي) و قطع غيار معمرة جدا وقيادة ثلثة ورؤية بانورامية.

لكن العيوب:
بصفة عامة:
- قطع غيار غالية جدا - ممكن تسمع أسعار تحرق دمك
- موديل 2000 سي سي محتاج ميكانيكي فاهم جدا عشان سيور الكاتينة في أي عربية 1 فقط أما فيها 3 سيور. لإما تروح التوكيل نركبه ب 1500 ج مصنعية.

بالنسبة للموديل 2 باب (1600 سي سي)

- سيئ جدا في الملفات والإتزان وسهل حدا ينقلب والعياذ بالله (حصلت مع إثنين أعرفهم منهم واحد خد كومة تراب تحتيه علي سرعة 90)
- سرعة لا تتجاوز 140 كم/س. ولو حالة الموتور زيرو يبقى 160 كم/س ودا آخر الأمبير فعلا.
- مساحة خلفية ضيقة جدا. إلا إن الكراسي الأمامية رحبة