منتدى صيادين مصر - طلعة صيد من أجمل طلعاتى ( 3 )

بسم الله الرحمن الرحيم
الحمد لله و الصلاة و السلام على سيدنا رسول الله

أمس الجمعة كانت رحلة جميلة جداً ... من أجمل الرحلات
على الرغم إن بداية الرحلة لم تكن مبشرة , حيث خرجنا بعد صلاة الفجر مباشرة , وكان الجو شديد البرودة وصلت درجة الحرارة إلى 7 درجات (على ترمومتر السيارة) لدرجة أن الأصابع كانت متجمدة وكان مجرد الضغط على زناد البندقية يحتاج مجهود كبير , وكان الصيد قليل فى بداية اليوم ... استمر الحال كذلك حتى قرب الساعة 8 صباحاً لغاية لما ربنا فرجها و شفنا جوز حمام على بعد حوالى 40 متر , محمد وفيق ضرب واحدة بال350 ماجنوم ومن توفيق ربنا طلعت النتاية , وطبعا فضل بجوارها الذكر الوفى لغاية ما خلّيته يحصلها بالرويال.

شوية كدة و كانت أجمل ضربات اليوم لمّا محمد وفيق ضرب فرد قمرى من مسافة تزيد على 50 متر ونزل مقفول زى الطوبة

روحنا بعدها فطرنا فول و طعمية , و كملنا اليوم على اليمام لغاية ما الحصيلة تخطت 30 فرد يمام و بعدها زهقنا من ضرب اليمام

محمد وفيق كان محضّرلى مفاجأة جامدة تدل فعلاً على إنه أصبح صيّاد جامد ... كان مراقب سرب حمام من طلعة سابقة و عرف مكان المبيت و مكان المشرب بتاعه ... انتظرنا الحمام عند المشرب اللى هو عبارة عن بركة صغيرة من المياه الجوفية بيشرب منها الحمام يوميّاً فى فترة بعد العصر ... حطّينا الفردين اللى معانا و عملناهم خيالات وانتظرنا داخل السيّارة على بعد حوالى 20 متر .... ولم يطول الانتظار حيث أتى سرب الحمام للشرب .... وفتحنا عليه النار .... وكانت النتيجة 10 فرد حمام فى نصف ساعة ... والحمد لله على فضله

أعضاء الرحلة "مع حفظ الألقاب" :
الفريق الأول : أشرف باهى و أصدقائه أحمد و أحمد
الفريق الثانى : العبد لله و محمد وفيق
الفريق الثالث : شريف (أبوياسين) و أخوه شادى

الحصيلة النهائية كانت أكثر من 150 فرد حمام و يمام , صوّرنا منهم حصيلة الفريق الأول و الثانى (لأن الفريق الثالث مشى بعد صلاة الجمعة علشان شريف كان عنده موعد)

http://im11.gulfup.com/2012-01-21/1327156899601.jpg

http://im11.gulfup.com/2012-01-21/1327156901103.jpg

http://im11.gulfup.com/2012-01-21/1327156901174.jpg

http://im11.gulfup.com/2012-01-21/1327156902505.jpg

http://im11.gulfup.com/2012-01-21/132715690256.jpg

http://im11.gulfup.com/2012-01-21/1327156902667.jpg

http://im11.gulfup.com/2012-01-21/1327156902638.jpg

http://im11.gulfup.com/2012-01-21/1327156906549.jpg

http://im11.gulfup.com/2012-01-21/13271569064110.jpg

http://im12.gulfup.com/2012-01-21/1327159523641.jpg

http://im12.gulfup.com/2012-01-21/1327159524852.jpg