رينو المظلومة

[د.محمود عصمت]

رينو المظلومة

بصراحة بجد السيارة الرينو من السيارات الاوربية المحترمة جدا فهى مثل الانسان الذى يعتنى بنفسة تحب الشياكة فى البنزين وفى الكاوتش وطبعا الزيت المحترم للموتور وللباور وتكيف والله ثلاجة + ثبات واتزان ممتاز وفرامل abs روعة ونعومة متناهية لكن مظلومة فى مصر مش عارف السبب فى الوكيل والا الاعلانات والا العربيات الصينى ايللى طلعتلنا فى البخت والا كلة فيه صديق استاذ فى كلية الطب وله اخ مهندس مهاجر فى فرنسا بيروح يزورة كل فترة قالى الرينو والبيجو هما اكثر السيارات الفرنسية مبيعا واستخداما فى السوق الفرنسى .

المصدر: منتدى صيادين مصر

[محمد كمال المحامي]

الرينو والستروين ضاعوا في وسط سوق السيارات في مصر

سيارت روعة وفي منتهى الاحترام ولكن سبع صنايع والحظ ضايع

اكيد السبب في الوكيل وخدمة ما بعد البيع

العربية ممكن تحقق نجاح مبهر لو لقيت وكيل يهتم بيها

نورت المنتدى يا دكتور محمود

[Trigger]

الفرنساوى كله مظلوم بسبب خدمه ما بعد البيع و اسعار قطع الغيار بسبب فرق سعر العمله بين الجنيه و الدولار و اليورو
انا من عشاق الستروين و ركبت اكتر من 20 عربيه ستروين متنوعين و مكررين فى الموديل لانى كنت بتاجر فيهم و عارف كويس ان قطع غيار الفرنساوى غاليه جدا لكنها معمره جدا جدا و لو حسبت فرق التكلفه بينها و بين المضروب حتلاقيها اوفر لانك فين و فين لما حتغيرها
و معظم الرينو مبقاش فرنساوى لانه بيتقفل فى تركيا زى الفلوانس كده او فى المغرب زى اللوجان كده
اللوجان بتنزل فى اوروبا باسم داتشيا مش رينو لان اساسها بيخرج من مصنع داتشيا فى رومانيا الى اشترته رينو
و دلوقتى رينو و نيسان كيان واحد

[Amr Moussa]

ده حالى الفرنساوى والاسبانى خد مثلا سيات نفس شاسبهات ومواتير فولكس فاجن وبص على حصه السوق بين العربيتين هتنصدم بس الدلع كله فى العربيان الفرنساوى