طلعه أسبانيه ملكيه

[shadow]

طلعه أسبانيه ملكيه

أعضاء المنتدى الكرام... أرجو أن تكونوا جميعا فى تمام الصحه والعافيه الطلعه ديه من الطلعات اللى بجد يقال عليها طلعه ملكيه لأنى طول عمرى ما بضربش الا بالديانات لكن فجأه قررت أنى أشترى الcfx royal بعد ما سمعت عن قوت ودقتها وكما يقال عنها صائده الناموس وأضمها لمجموعتى فى الحقيقه أنا أشتريتها وأنا قلقان لأنى ما بعترفش الا بالديانا لكن بجد طلعت بندقيه خرافه قويه جدا ودقيقه الى أبعد الحدود وخفيفه الوزن ونشنكنات فسفورى ودبشك خشب رائع المهم علشان ما طولش عليكوا أنا ربنا أكرمنى ب8 فرد حمام ب8 رشات والله العظيم البندقيه ديه محترمه الى أبعد الحدود وصوتها هادئ وهو ده المطلوب وبعدين لقيت الساعه بقت حوالى 2 ظهرا فلقيت نفسى لو كملت كمان ساعتين حندخل فى مدبحه بئه وطبعا أنا ما بحبش الصيد الجائر فشكرت الله وقلت كفايه كده بالرغم من أن الحمام كان واقف والظاهر أنه بينه وبين الرويال قصه عشق وغرام كبيره أوى علشان كده ما بيستحملش يقف أمامها... شكرا للأعضاء الكرام وأسيبكم مع الصور وأرجو أن تنال أعجابكم...

المصدر: منتدى صيادين مصر

[المدير العام]

ماشاء الله طلعه موفقه وبندقيه محترمه جدا جدا

[shadow]

الشكر كل الشكر لك يا بشمهندس... الصيد من دونك ملهوش طعم والله يرحم حدائق اليمام وجنينه اليمام وال bsa والولد بتاع الزرازير والله ليك وحشه يا بشمهندس....

[المدير العام]

المشاركة الأصلية كتبت بواسطة shadow

الشكر كل الشكر لك يا بشمهندس... الصيد من دونك ملهوش طعم والله يرحم حدائق اليمام وجنينه اليمام وال bsa والولد بتاع الزرازير والله ليك وحشه يا بشمهندس....

الله يخليك يا باشمهندس وباذن الله في اقرب طلعه اكون معاك

[eng.amg]

ما شاء الله .. طلعة موفقة .. بس الناس إلي بتطلع لوحدها بتزور يا بشمهندس...
بالتوفيق يا باشا

[اكاديمى]

طلعة موففففقة

[العقيلى]

الرد لعرض الصور

[العقيلى]

صدقنى تشوقت لممارسة هذه الهواية الجميلة والممتعة مبروك عليك الصيد بس هناك سؤال ملح هل يؤكل الحمام الكبير بسمع ان لحمة ما بيستويش وشادى انتظر الاجابة

[محمد مسعد]

مبروك على البندقيه الجميله ... سعرها كام دى لو تفضلت

[زلطة مان]

بالهنا والشفا بس
السؤال هو عايز بندقية رش محترمة عتلة سفلية نشان دقيق طبعا نمرة 2 اشترى اية وسعرها يكون محترم مش خيالى لو سمحتم لان موضوع انها تيجى من اوروبا يقلق بعد الكلام اللى قولتوهولى انها ممنوعة
ارجوا الافادة وتدلزنى على مكان امين لان الموضوع مليان صينة ومضروب زى ماحضراتكم جميعا عارفين
اسف على الاسئلة الكتير بس معلش احنا بندلع عليكم سامحونا
مبروك تانى وبالهنا والشفا