العودة   منتدى صيادين مصر > قسم الأسلحة > أسلحة ضغط الهواء
 

 
 
إضافة رد
 
أدوات الموضوع انواع عرض الموضوع
 
قديم منذ /11-03-2013, 06:56 PM   #1

الفهد القناص
صياد نشيط
 
الصورة الرمزية الفهد القناص

الفهد القناص غير متواجد حالياً

 رقم العضوية : 4659
 تاريخ التسجيل : Nov 2013
 المكان : الجيزة
 المشاركات : 62
 النقاط : الفهد القناص is on a distinguished road
 تقييم المستوى : 14
 قوة التقييم : 11

Thanks: 0
Thanked 57 Times in 28 Posts
افتراضي اهداء الى محبى البنادق

 

احب ابتدى بطريقة تحديد قوة البندقية. معظم البنادق بيكون مكتوب معاها السرعة الأبتدائية للطلقة بالقدم او المتر فى الثانية. ده اسلوب تجارى مش دقيق. الشركات بتستعمل طلقات خفيفة جدا لتحقيق اعلى سرعة, لكن عند استعمال طلقات عادية السرعة بتنخفض. لذلك النظام الأسلم و المعتمد فى القانون الأوروبي هو الطاقة الابتدائية او ال muzzle energy. طريقة حسابها هى السرعة بالقدم مربعة فى وزن الطلقة مقسومة على 450240.

فمثلا الديانا 52 و 48 و 54 نمرة 2 سرتها الأبتداية 755 قدم\ثانية بطلقة RWS Hobby وزنها 12 جراين فتكون قوتها = 755x755 x12 مقسومة على 450240 = 15 fpe
القانون بيستعمل المقياس ده. فى بريطانا الحد الاقصى لقوة البندقية الرش التى يمكن امتلاكها بدون رخصة هو 12 fpe و فى المانيا 5.3 fpe و فى الولايات المتحدة مافيش اى حد اقصى.

فى بنادق الرماية مش مطلوب قوة كبيرة لان الغرض عمل ثقب فى ورقة الهدف على بعد 10 متر ولذلك بنادق الرماية غالبا قوتها فى حدود 6 fpe. دى صورة بندقيىه رماية اوليمبية

اهداء محبى البنادقThis image has been resized. Click this bar to view the full image. The original image is sized 1000x283.
اهداء محبى البنادق

في الصيد الطاقة المطلوبى بتكون اعلى و على الأقل 10 fpe لصيد الطيور على مسافات قريبة و 15 fpe فما فوق لصيد الأرانب و الحيوانات الصغيرة. للفنص عى المسافات البعيدة يفضل الطلقات الأثقل وزنا لأنها بتحتفظ بالسرعة افضل بسبب الكثافة المقطعية. الطلىقة الخفيفة لها سرعة ابتدائية عالية و لكن تفقد السرعة بسهولة. لو كورت ورقة و رميتها اخرها 5 متر بس لو زلطة بنفس الحجم هاتبعد كتير. الكثافة و الوزن بتعطى قدرة للمقذوف على الاحتفاظ بالطاقة الحركية kinetic energy و اختراق مقاومة الهواء

انواع البنادق 4 تقسيمات اساسية

1 السوستة spring power
2 الهواء المخزون pneumatic / PCP pre-charged pneumatic
3 السوستة الغازية GAS RAM
4 البروكوك BROCOCK
5 ثانى اوكسيد الكربون

السوستة

دى الأبسط و الارخص و الأكثر انتشارا. دى بتعتمد على سوستة معدنية بتدفع كباس (بستون) فى نهايته كاوتشة لحبس الهواء و فى النهاية الهواء بيضرب الرشة و يطلقها. دى رسمه مبسطة

اهداء محبى البنادق

طبعا ابسط اشكالها بنادق كسر الماسورة زى الرمسيس و فى الحالة دى الماسورة نفسها هى زراع التعمير, و فيه انواع الماسورة فيها ثابتة و لها زراع تعمير سفلى زى BSA Air Sporter او جانبية زى الديانا 48 52

مميزات بنادق السوستة ان عندها اكتفاء ذاتى و مابتحتاجش مصدر خارجى للطاقة مثل الانواع الاخرى و انها بسيطة و رخيصة. عيوبها ثقل الوزن لوجود سوستة ضخمة و بستون معدى. و رد الفعل الى بيقلل الدقة. و ان السوستة بتتعب و تحتاج تغير. و ان فيه اهتزاز بيحصل لما المعدن يخبط فى بعضه وده بيبوظ التليسكوبات الرخيصة و بيخلى التليسكوب يتزحلق للوراء

القوة المتوسطة لبنادق السوستة من 9 الى 13 fpe. و اعلى من كدة ممكن بس مشاكله بتكتر. مثلا الديانا 48 52 علشان توصل لطاقة 15 او 16 حطو فيها سوستة ناشفة جدا بتتكسر بسهولة لو البندقية ضربت بدون طلقة فى الماسورة. برضو النوريكا جيت فيها سوستة مبالغ فيها و النتيجة اهتزاز و رد فعل عالى بيخلى التنشين الدقيق بيها صعب.

اقوى بندقة سوستة فى العالم هى بندقية صناعة يدوى انجليزى اسمها Whiscombe المهندس الى بيصنعها اسمه جون ويسكمب انا قابلته و اتكلمت معاه و كان نفسى اشترى واحدة بس خفت ماعرفش ادخلها مصر. دي صورتها

اهداء محبى البنادق

البندقية دى قوتها 29 fpe ودى اعلى قوة لبندقية سوسته فى العالم. ميزة البندقية دى ان فيها 2 كباس فى ماسوره كبيرة تحت الماسورة العدية. ال2 كباس دول بيتحركوا عكس بعض و يخبطوا فى بعض فى النص و الهوا المحبوس بينهم يطلع فوق على الماسورة العادية و يطلع الطلقة. بخلاف ان النظام ده بيولد قوة مضاعفة, البندقية دى مالهاش رد فعل لأن البستن الأولانى بيخلى البندقية عايزة تقفز للخلف, و البستن التانى الى بيتحرك عكسه بيخليها عايزة تقفز للامام و بكدة بيلغوا بعض و النتيجة بندقية بدون رد فعل. اختراع عبقرى بس مشكلته ان وزن البندقية عالى جدا

فيه بنادق سوستة تانية مالهاش رد فعل زى الديانا 54 و فيها الجزء المعدنى محمل على مجرى و لما يتحرك للوراء بيجرى على المجرى و يضيع بدون الوصول لكتفك. عيبها طبعا لو عينك قريبة من التليسكوب هاتاخد خبطة تمام زى ما حصللى وانا صغير و والدى شاف عينى المزرقة و افتكرنى اتضربت فى المدرسة اهداء محبى البنادق

البندقية السوستة الأفخم و الأرقى فى العالم و دى كانت حلم حياتى بس كالعادة مابتتباعش فى مصر و مكانش فيه طريقة ادخلها من غير ماتتبهدل. دى انجليزى ماركة Air Arms و اسمها برو سبورت pro-sport

اهداء محبى البنادق

اهداء محبى البنادق

دى قوتها 15-16 fpe و مصنوعة بدقة و مواد اعلى من المستخدمة عادة فى بنادق ضغط الهواء و فيها ماسورة من مصنع لوثار والتر و نظام زناد بجودة البنادق الأولمبية. الشركة بترفض تحط لها نشنكان مفتوح علشان مايبوظش شكلها الجمالى و بوجه عام بتعتبرالرولز رويس بتاعة اسلحة ضغط الهواء

اخيرا اشهر بنادق السوستة و اكثرها نجاحا هى الفالك Falke و ال BSA AIR SPORTER و الفايروخ 77 و الفايروخ 80

الهواء المخزون


دى بنادق منتشرة اكثر فى البلاد الغنية لأرتفاع اسعارها. فى النوع ده مافيش سوستة ولا كباس. بيبقى فيها مخزن هواء بيتملى بمنفاخ او كمبرسور او انبوبة غطس و يخرج الهواء شوية شوية مع كل طلقة. حركة التعمير فى البنادق دى بتكون بسيطة زى بنادق الرصاص و معظمها بيكون فيه مخزن بيشيل 10-12 طلقة لسرعة الاطلاق بشد الأجزء فقط.

مخزن الهواء بيبقى نوعين. نوع بيبقى انبوبة ثابتة تحت الماسورة زى الصورةدى

اهداء محبى البنادقThis image has been resized. Click this bar to view the full image. The original image is sized 844x260.اهداء محبى البنادق

او الخزان بيكون زجاجة بتنفصل عن البندقية و يعاد تركيبها زى الصورة التالية

اهداء محبى البنادق

الأنبوبة الثابتة سعتها اكبر و شكلها اجمل بس لما تملاها و تطلع تصطاد يومك هاينتهى بنهاية الهواء المخزون. اما الزجاجة المنفصلة فهى شكلها عبيط و سعتها اصغر, بس ممكن تاخد معاك 2 او 3 قزايز مليانة و لما واحدة تفضى تفكها و تركب واحدة تانية و تكمل صيد

ميزة بنادق الهواء المخزون ان مافيهاش سوستة او معدن بيخبط و لذلك مالهاش ر فعل اطلاقا و التنشين الدقيق بيها اسهل بكتير من بنادق السوستة. و ميزة اكبر ان قوتها اعلى بكتير فمعظمها بيولد 30 fpe وبتوصلل ارقام طاقة مهولة اقوى بكتير من المسدسات الحى و العيارات النارية الصغيرة مثل .22 و اكبر ميزة هى سرعة توالى الطلقات لأنك بتضرب و بعدين تشد الاجزاء بسهولة و تضرب تانى و هكذا حتى تفرغ خزنة الطلقات. البنادق الجيدة قادرة على اطلاق 60 او 70 طلقة فى كل ملية لخزان الهواء. اخر ميزة انك ممكن تعمرها و تفضل مستنى الهدف او الطريدة ساعت و مايحصلش حاجة. فى بنادق السوستة تركا معمرة لوقت طويل يضعف السوستة.

عيوب البنادق الهواء المخزون انك محتاج مصدر خارجى لمليها بعد كل 60 او 70 طلقة, انها غالية, ان شكلها و طريقة شد الأجزاء قريبة من البنادق النارية الحى مما قد يسبب مشاكل, وان صوتها عالى نتيجة ان الطلقات بتكون اسرع من الصوت فى البنادق الاقوى وده بيعمل فرقعة ناتجة عن كسر حاجز الصوت. لما كنت فى انجلترا استعملتها بكاتم صوت و كانت متعة لايمكن توصف و لكن للأسف كاتم الصوت ممنوع قانونا فى معظم دول العالم حتى امريكا. الدولة الوحيدة الى زرتها الى كواتم الصوت فيها مسموحة هى انجلترا

اهداء محبى البنادق

بنادق الهواء المخزون بتوفر مساحة كبيرة للأختراع. مثلا فيه بنادق فيها عداد بيعرفك فاضل فيها هواء قد ايه

اهداء محبى البنادق

و فيه بنادق تانية فيها زناد الكترونى و تحكم بقوة الطلقة كأنه كمبيوتر. فممكن الطريده تكون قريبة فتدخل للشاشة انك عاوز طلقة بقوة 15 fpe فقط وتضرب و بعدين تلمح هدف على بعد 150 متر فتقوم مدخل للشاشة انك عايز قوة 50 fpe وتقوم بقنصه. مثال فى الصورة التالية

اهداء محبى البنادقThis image has been resized. Click this bar to view the full image. The original image is sized 900x465.اهداء محبى البنادق

اهداء محبى البنادق

اقوى بنادق الهواء المخزون غير معروفة لوجود عدد غير محدود من المصنعين الكبار و الورش الصغيرة ولكن انا شخصيا استعملت بندقية Barnes Pneumatic قوتها 830 fbe يعنى اقوى من الديانا 52 بخمسة و خمسين ضعف!!

ارقى و افخم البنادق من النوع ده عليها خلاف بس اغلب الناس بيعتبروا Daystate تحفة فى التصنيع و جمال المواد. صناعة انجليزى و الدبشك ايطالى

اشهر و انجح البنادق هى air arms s410 , فايروخ HW100 , بي اس ايه سوبر 10, و Sam Yang وهى صناعة كورية

ملحوظة سريعة: يوجد نوع من هذه البنادق به منفاخ متصل بالبندقية. فى هذا النوع تقوم بكبس الهواء 8 او 10 مرات ثم تطلق الطلقة ثم تكبس الهواء من جديد لتطلق طلقة اخرى. النوع ده متعب و بطيئ علشان كدة شبه منقرض. مثال فى الصورة التالية

اهداء محبى البنادق


البروكوك

ده نوع من بنادق و مسدسات ضغط الهواء اخترعته شركة Brocock الأنجليزية و كان اختراع مدهش. فى نظام البروكوك عندك طلقة نحاس شبه الطلقه الحيىة بالظبط. الطلقة النحاس دى بتملاها هواء بمنفاخ و بعدين تركب عليها طلقة رش عادية و تقفلها و كدة بقى معاك رصاصة زى الحى بس بدل البارود فيه هواء مضغوط. الصور دى بتوضح تركيب الطلقة

اهداء محبى البنادق
اهداء محبى البنادق

بعد ما تجهز الطلقات بتحطها فى خزنة زى الرصاص الحى بالظبط و تدخلها فى البندقية البروكوك و ابرة ضرب النار بتطلق الهواء المخزون و بعدين تشد الأجزاء ترمى الطلقة الفاضية و تسحب الى بعدها. دى صورة بندقيىة brocock predator

اهداء محبى البنادقThis image has been resized. Click this bar to view the full image. The original image is sized 1000x750.اهداء محبى البنادق

مميزاتها ان البندقة خفيفى جدا لان مافيش سوست و لا مكبس و لا مخزن و لازجاجة هواء. و سهلة جدا فكها و تزييتها زى اى بندقية ماوزر حى. و تقدر تعبى الف طلقة و تاخدهم معاك و انت رايح تصطاد. النوع ده الوحيد الى مالوش عيوب

للأسف الحكومة البريطانية قررت انها تغير القانون و تمنع البروكوك لسهولة تحويل البنادق لحى بواسطة المجرمين و طلبت من المواطنين تسليم البنادق و المسدسات لشراؤها منهم او اعطابها ثم ترجيعها للمالك للأحتفاظ بيها. دى كانت ضربة قاضية للشركة و دلوقتى شركة بروكوك بتعمل بنادق خزان هواء عادية خايبة و ماحدش بيشتريها و التصميم الأصلى شركات صينية اشترته بس انتاجها ردئ و فيه خطورة على الصياد علشان كدة ممنوع استيراده فى الدول المتحضرة بيتباع فى بعض دول العالم الثالث

ثانى اوكسيد الكربون

وده نوع معظمنا عارفه. بيبقى عبارة عن انبوبة انى اكسيد كربون متبرشمة بتشتريها و تركبها على البندقية او المسدس و بتكسر البرشام ولما تفضى ترميها. فيه الأنبوبة الصغيرة المعروفة

اهداء محبى البنادق

و فيه انبوبة اكبر بتولد قوة اكبر

اهداء محبى البنادق

اهداء محبى البنادق

النوع ده قوته محدودة حوالى 10 fpe. مميزانه خفة الوزن و سرعة تتالى الطلقات, عيوبه سعر الأنابيب و ان الأداء مش ثابت لأن ثانى اكسيد الكربون السائل فى الانبوبة بيتأثر بتغير درجة الحرارة. البنادق دى بتعتبر اساسا للتنشين على الكانز و التسلية و نادرا انها تستخدم فى الصيد. انجحها Benjamin Buccaneer



السوستة الغازية

النوع ده مطابق للسوستة العادية بس بدل السوستة المعدن فيه مكبس مزنوق فيه هواء او غاز ولما المكبس بينضغط الغاز بيبقى عايز بتفرد تانى زى السوستة المعدنية بالظبط. صورة السوستة الغازية

اهداء محبى البنادق

النوع ده له نفس مميزات السوستة العادية بس بدون 2 من عيوبها: اولا مابيضعفش زى السوستة المعدنية لأنه غاز. ثانيا ممكن يفضل متعمر ساعات و ايام بدون مشاكل.

شركة واحدة بتنتجه اسمها Theoben فى انجلترا و شركات تانية بتبيعة باسمها زى Beeman فى امريكا. النوع ده قوى جدا و بينتج 30 fpe بس تعميره صعب و رد فعله قوى جدا على الكتف. دى صورة
THEOEBN ELIMINATOR



منقول


ارجو ان يسعدكم الموضوع ويكون مفيد



  رد مع اقتباس
The Following 2 Users Say Thank You to الفهد القناص For This Useful Post:
biso3000 (04-27-2014), عبدالله قنديل (02-18-2014)
 
قديم منذ /11-03-2013, 10:11 PM   #2

رافد حسن
صياد جديد

رافد حسن غير متواجد حالياً

 رقم العضوية : 3695
 تاريخ التسجيل : May 2013
 المشاركات : 6
 النقاط : رافد حسن is on a distinguished road
 تقييم المستوى : 10
 قوة التقييم : 0

Thanks: 0
Thanked 5 Times in 2 Posts
افتراضي رد: اهداء الى محبى البنادق

 

موضوع مفيد و ممتع . مشكور عليه و جزاك الله ألف خير


  رد مع اقتباس
 
قديم منذ /11-03-2013, 11:19 PM   #3

محمد كمال المحامي
مدير المنتدى
 
الصورة الرمزية محمد كمال المحامي

محمد كمال المحامي غير متواجد حالياً

 رقم العضوية : 1
 تاريخ التسجيل : Jan 2012
 العمر : 50
 المشاركات : 2,680
 النقاط : محمد كمال المحامي تم تعطيل التقييم
 تقييم المستوى : 14
 قوة التقييم : 15

Thanks: 903
Thanked 1,721 Times in 1,150 Posts
افتراضي رد: اهداء الى محبى البنادق

 

موضوع ممتاز جداً

اشكرك على المعلومات المفيده




توقيع محمد كمال المحامي :

لو عايز حسنات ادخل هنا
http://www.quraaan.com/


لا للصيد الجائر .... لا لتدمير البيئة





  رد مع اقتباس
 
قديم منذ /11-06-2013, 03:09 PM   #4

محمد مسعد
صياد نشيط

محمد مسعد غير متواجد حالياً

 رقم العضوية : 1013
 تاريخ التسجيل : Nov 2012
 المشاركات : 77
 النقاط : محمد مسعد is on a distinguished road
 تقييم المستوى : 10
 قوة التقييم : 12

Thanks: 68
Thanked 21 Times in 18 Posts
افتراضي رد: اهداء الى محبى البنادق

 

نشكرك على معلوماتك وشرحك المدعم بصور و انا واثق أن كل اللى بيقرأ المشاركات دى بيستفيد مثلى
تحياتى


  رد مع اقتباس
 
قديم منذ /11-06-2013, 03:11 PM   #5

محمد مسعد
صياد نشيط

محمد مسعد غير متواجد حالياً

 رقم العضوية : 1013
 تاريخ التسجيل : Nov 2012
 المشاركات : 77
 النقاط : محمد مسعد is on a distinguished road
 تقييم المستوى : 10
 قوة التقييم : 12

Thanks: 68
Thanked 21 Times in 18 Posts
افتراضي رد: اهداء الى محبى البنادق

 

الى مدير المنتدى . الوضوع ده من حقه يتثبت لتعم فائدته
مقترح من أخوكم


  رد مع اقتباس
 
قديم منذ /06-25-2014, 03:01 PM   #6

اسامة الصياد
صياد جديد

اسامة الصياد غير متواجد حالياً

 رقم العضوية : 5053
 تاريخ التسجيل : Jun 2014
 المكان : القاهره
 المشاركات : 29
 النقاط : اسامة الصياد is on a distinguished road
 تقييم المستوى : 10
 قوة التقييم : 0

Thanks: 1
Thanked 3 Times in 2 Posts
افتراضي رد: اهداء الى محبى البنادق

 

موضوع مفيد جزاكم الله خيرا


  رد مع اقتباس
 
قديم منذ /07-15-2014, 01:52 AM   #7

ابوسيف السوهاجي
صياد جديد

ابوسيف السوهاجي غير متواجد حالياً

 رقم العضوية : 5098
 تاريخ التسجيل : Jul 2014
 المشاركات : 15
 النقاط : ابوسيف السوهاجي is on a distinguished road
 تقييم المستوى : 10
 قوة التقييم : 0

Thanks: 1
Thanked 2 Times in 2 Posts
افتراضي رد: اهداء الى محبى البنادق

 

موضوع ميل جدا وشيق

اكثر من رائع


  رد مع اقتباس
 
قديم منذ /07-15-2014, 05:48 PM   #8

احمد فوزي
صياد نشيط

احمد فوزي غير متواجد حالياً

 رقم العضوية : 2497
 تاريخ التسجيل : Mar 2013
 المشاركات : 161
 النقاط : احمد فوزي is on a distinguished road
 تقييم المستوى : 10
 قوة التقييم : 12

Thanks: 79
Thanked 98 Times in 66 Posts
افتراضي رد: اهداء الى محبى البنادق

 

موضوع جميل وشيق
شكرا للمعلومات المفيدة


  رد مع اقتباس
إضافة رد

الكلمات الدلالية (Tags)
محبى, البنادق, اهداء

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:36 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi



أقسام المنتدى

الأقــســـام الــعـــامــة @ الصيد العام @ قسم الأسلحة @ أسلحة ضغط الهواء @ السلاح الحي والخرطوش @ أسلحة الصوت ( محدثات الصوت ) @ الورشه والصيانه @ الصيد وانواعه والرحلات @ رحلات الصيد بالصور @ الصيد البري @ المطبخ @ قسم السوق @ بيع وشراء الاسلحه الهوائيه و مستلزماتها @ بيع وشراء مسدسات الصوت ومستلزماتها ( محدثات الصوت ) @ السوق العام @ الإدارة @ استراحة الصيادين والهواة @ العياده @ الصيد البحري والنهري @ بيع وشراء ادوات صيد السمك @ مجلة صيادين مصر @ حيوانات و طيور الصيد @ منتدي السيارات @ شخصية العدد @ تاريخ الصيد والرمايه والاسلحه @ منتدى هواة تربية الطيور والأسماك والحيوانات الأليفة @ قسم هواة الحمام واليمام @ قسم هواة الصقور والطيور البرية @ قسم هواة الببغاوات وطيور الزينه @ قسم هواة اسماك المياه العذبة @ قسم هواة اسماك المياه المالحة @ قسم هواة الكلاب @ قسم هواة القطط @ مقترحات تطوير المنتدى @ المحذوفات والموضوعات المكررة @ منتدى هواة تربية الطيور والاسماك والحيوانات الأليفة @ سوق سيارات منتدى صيادين مصر @ بيع وشراء السلاح الحي و بنادق الخرطوش المرخصة @ الاعلان عن رحلات الصيد البحري وطلعات الصيد البري @