ما هى اجراءات التنازل/ بيع السلاح؟

وائل منصور · منذ /06-02-2013, 03:08 PM

اخوانى الأعزاء ارجو المعذرة حيث اننى عضو جديد بهذا المنتدى الرائع ولى سؤال ارجو الأجابة علية.
حيث اننى ابحث عن سلاح ولا ادرى اجراءات نقل الملكية كيف تتم؟ وهل يجوز ان يحمل الشخص اكثر من سلاح؟
اشكركم جدا

المصدر: منتدى صيادين مصر

محمد جمال الشافعي · منذ /06-02-2013, 09:38 PM

اخي الفاضل
حضرتك ببتفق مع صاحب السلاح علي السعر وبعدين بتروح معاه قسم الشرطه اللي طالع منه الترخيص بتاعه وهناك هو بيعمل محضر بالتنازل عن السلاح منه ليك وبتستلم السلاح لانه من اللحظه دي اصبح مسؤليتك انت وبعدين كاتب تراخيص القسم بكتب بيانات السلاح وياخد بصمته علي ظهر تصريح الشراء بتاعك وبيتختم بخاتم القسم
كده انت اصبحت مالك السلاح الجديد وتقدر تمشي بيه كده لغايه نهايه تصريح الشراء بتاعك لاكن يفضل انك ما تنتظرش وتروح القسم اللي انت تبعه وهناك تخلص اجراءات الرخصه وبيديلك رخصه مؤقته لغايه ما تستلم الرخصه الكمبيوتر
بالنسبه لحمل اكثر من سلاح فطبقا لقانون الاسلحه المصري حضرتك تقدر ترخص 2 قطعه مخشخنه و 2 قطعه غير مخشخنه بشرط وجود المبررات الكافيه طبعا بس الاول تطلع الرخصه بتاعتك وبعد كده ممكن تعمل اضافه عليها
بالتوفيق ان شاء الله

قناص الظلم · منذ /06-02-2013, 10:31 PM

اقتباس:

المشاركة الأصلية كتبت بواسطة وائل منصور

اخوانى الأعزاء ارجو المعذرة حيث اننى عضو جديد بهذا المنتدى الرائع ولى سؤال ارجو الأجابة علية.
حيث اننى ابحث عن سلاح ولا ادرى اجراءات نقل الملكية كيف تتم؟ وهل يجوز ان يحمل الشخص اكثر من سلاح؟
اشكركم جدا

الف مبروك التنازل فى القسم لتابع له السلاح كما قال الاستاذ محمد وليك اضافه سلاح بمبررات جديده ولا تزيد عن 2 قطعه مششخنه و2 قطعه ملساء خرطوش يعنى

سيج ساور · منذ /06-03-2013, 01:34 AM

نفس الكلام السابق لكن اول خطوه تطلع شهاده بيانات للسلاح من مكان ترخيصه وتقدم لقسم المتنازل اليه وبعد كده نفس الاجراءات السابقه

وائل منصور · منذ /06-03-2013, 10:51 AM

اشكركم على المعلومات المفيدة

محمد جمال الشافعي · منذ /06-03-2013, 10:20 PM

اقتباس:

المشاركة الأصلية كتبت بواسطة سيج ساور

نفس الكلام السابق لكن اول خطوه تطلع شهاده بيانات للسلاح من مكان ترخيصه وتقدم لقسم المتنازل اليه وبعد كده نفس الاجراءات السابقه

اخي الفاضل سيج زاور
شهاده البيانات مش مطلوبه لو التنازل حايتم من نفس القسم المرخص فيه السلاح( قسم الشرطه التابع له المتنازل)
شهاده البيانات مطلوبه لو حضرتك مش عايز تروح لمكان صاحب السلاح الاصلي في الحاله دي هو بيجيب شهاده بيانات من القسم بتاعه وبيتنازل لحضرتك في اي قسم تتفقوا عليه

Trigger · منذ /06-04-2013, 04:35 AM

اقتباس:

المشاركة الأصلية كتبت بواسطة محمد جمال الشافعي

اخي الفاضل سيج زاور
شهاده البيانات مش مطلوبه لو التنازل حايتم من نفس القسم المرخص فيه السلاح( قسم الشرطه التابع له المتنازل)
شهاده البيانات مطلوبه لو حضرتك مش عايز تروح لمكان صاحب السلاح الاصلي في الحاله دي هو بيجيب شهاده بيانات من القسم بتاعه وبيتنازل لحضرتك في اي قسم تتفقوا عليه

الله ينور عليك يا محمد بك